მამუკა მდინარაძე - ფული, რომლითაც არასამთავრობო ორგანიზაციები ფინანსდებიან, „ტექნიკური მთავრობის“ კამპანიის დასაგეგმად მიემართება - საზოგადოებამ უნდა იცოდეს, საიდან ფინანსდებიან “ენჯეოები“

შეგვიძლია ფაქტებზე დაყრდნობით დავასკვნათ, რომ ის ფული, რომლითაც არასამთავრობო ორგანიზაციები ფინანსდებიან, სახელმწიფოს წინააღმდეგ, ხელისუფლების წინააღმდეგ, ტექნიკური მთავრობის მოთხოვნის კამპანიის დასაგეგმად მიემართება, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებთან საუბრისას განაცხადა.

მისივე თქმით, საქართველოში არსებულ რამდენიმე არასამთავრობო ორგანიზაციას იმაზე მეტი დაფინანსება აქვთ, ვიდრე პოლიტიკური პარტიების ნაწილს.

მდინარაძის განცხადებით, საზოგადოებამ უნდა იცოდეს, არასამთავრობო ორგანიზაციები საიდან ფინანსდებიან და რა მიზნობრიობით ხარჯავენ თანხებს.

„საქართველოში არსებობს ყველაზე მდიდარი რამდენიმე არასამთავრობო ორგანიზაცია, რომელსაც გაცილებით მეტი დაფინანსება აქვთ, ვიდრე პარტიების უდიდეს ნაწილს და ეს ყველაფერი საით არის მიმართული ვნახეთ. როდესაც „ნაცმოძრაობას“ და მათ ლობისტებს 2020 წლის "ფეიკი" არ გამოუვიდათ გაყალბების შესახებ, როდესაც შემდეგ თავიანთი მედიასაშუალებების ჟურნალისტებს კადრეს, ის რომ ქუჩაში გამოიყვანეს და ეს პროექტიც ჩავარდა. ბოლოს ეს მდიდარი არასამთავრობო ორგანიზაციების ის ყველაზე, ასევე, უფრო მდიდარი ნაწილი გამოვიდა ქუჩაში. ეს პროექტიც ჩავარდა და და საბოლოოდ, შეგვიძლია ფაქტებზე დაყრდნობით დავასკვნათ, რომ ის ფული, რამდენიმე მილიონზე და რამდენიმე ათეულ მილიონზეა საუბარი, რომლითაც ეს არასამთავრობო ორგანიზაციები ფინანსდებიან, მიემართება სახელმწიფოს წინააღმდეგ, ხელისუფლების წინააღმდეგ, ტექნიკური მთავრობის მოთხოვნის კამპანიის დასაგეგმად და ა.შ. აქედან გამომდინარე, საზოგადოებამ, რა თქმა უნდა, უნდა იცოდეს, რაში იხარჯება ეს თანხები, რა მიზნობრიობით იხარჯება, საიდან ფინანსდებიან და ა.შ.“, - განაცხადა მამუკა მდინარაძემ.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე