საპარლამენტო ოპოზიციის ნაწილი ევროკავშირის 12 რეკომენდაციასთან დაკავშირებით შემაჯამებელ შეხვედრას მართავს. შეხვედრა "ლელოს" დეპუტატის დავით უსუფაშვილის სამუშაო კაბინეტში მიმდინარეობს.

როგორც "ლელოს" დეპუტატმა სალომე სამადაშვილმა ჟურნალისტებთან განაცხადა, დღეს საბოლოოდ უნდა ჩამოყალიბდნენ სამოქმედო გეგმაზე, თუ რომელი ინიციატივების წარდგენა მოხდება პრიორიტეტულად პარლამენტში და როგორ იმოქმედებენ პარლამენტს გარეთ.

"დღეს შევაჯამებთ გამართული შეხვედრების შესაბამისად ინფორმაციას და ჩამოვაყალიბებთ იმ პოლიტიკურ გეგმას, რომლითაც უახლოეს კვირებში იმოქმედებს ოპოზიცია, როგორც პარლამენტში, ასევე პარლამენტს გარეთ",- განაცხადა სამადაშვილმა.