მომავალი სახალხო დამცველის არჩევის წესსა და პროცედურულ საკითხებზე პარლამენტის თავმჯდომარე შალვა პაპუაშვილი ოპოზიციასთან კონსულტაციებს მართავს.

განხილვის საგანია პარლამენტის თავმჯდომარის ბრძანების პროექტი, რომლის მიხედვითაც პარლამენტს ომბუდსმენის პოსტზე ასარჩევად კანდიდატები წარედგინება.

შეხვედრაში ოპოზიციიდან მონაწილეობენ დეპუტატები: - თამარ კორძაია, იაგო ხვიჩია, ანა ბუჩუკური, ლევან იოსელიანი, ლევან ბეჟაშვილი.

უმრავლესობიდან შეხვედრაში მიხეილ სარჯველაძე მონაწილეობს.

შალვა პაპუაშვილთან მოლაპარაკებების პროცესს ბოიკოტს უცხადებს "სტრატეგია აღმაშენებელი".

დღევანდელ შეხვედრაში არ მონაწილეობს "ლელო". როგორც მათ განმარტეს, ინფორმაცია პაპუაშვილთან კონსულტაციების თაობაზე გვიან მიიღეს და შეხვედრაში მონაწილეობას ამის გამო ვერ ახერხებენ.