ალუდა ღუდუშაური - გასაოცარია  აშშ-ის ელჩის პოზიცია, რომ თურმე „ოთხეულის“ განცხადებები  რუსული ნარატივი ყოფილა - ბრალდებები არის აბსოლუტურად დაუსაბუთებელი

გასაოცარია აშშ- ის ელჩის პოზიცია, რომ თურმე „ოთხეულის“ განცხადებები ყოფილა რუსული ნარატივი. ეს არის ძალიან სამწუხარო და ვფიქრობ, ბრალდებები არის აბსოლუტურად დაუსაბუთებელი, - ამის შესახებ საპარლამენტო უმრავლესობის წევრმა ალუდა ღუდუშაურმა ჟურნალისტებთან აშშ-ის ელჩის განცხადების კომენტირებისას აღნიშნა.

მისი თქმით, როცა კითხვები ისმევა და არავინ პასუხს არ სცემს მათ, ეს უხერხულობას ქმნის.

„რბილად რომ ვთქვათ, ძალიან არასასიამოვნოა ის მიდგომა და ესეც დაუსაბუთებელია, როცა პარლამენტის წევრი სვამს კითხვებს, რომელიც რიგ შემთხვევებში ძალიან მნიშვნელოვან საკითხებთან არის დაკავშირებული, მითუმეტეს, იმ დროს, როცა სრული ბუნდოვანებაა და არავინ ამაზე პასუხს არ იძლევა, ეს ძალიან დიდ უხერხულობას ქმნის, რბილად რომ ვთქვათ. აქედან გამომდინარე, ჩემთვის გასაოცარია ქალბატონი ელჩის პოზიცია, რომ თურმე „ოთხეულის“ განცხადებები, პოზიცია ყოფილა რუსული ნარატივი. ეს არის ძალიან სამწუხარო და ვფიქრობ, უხერხული ბრალდებები არის აბსოლუტურად დაუსაბუთებელი, რადგან მთელი რიგი საკითხები, რასაც ეს დეპუტატები სვამენ, არის საქართველოს მოსახლეობის დიდი ნაწილის პოზიცია და კითხვა. კითხვის დასმა იქ, სადაც არის ბუნდოვანება, რატომ ითვლება, რომ ვინმესთვის მტრობა ან რუსული ნარატივია, ჩემთვის ეს სრულიად გაუგებარია,"- განაცხადა ღუდუშაურმა.

საქართველოში ამერიკის ელჩის, კელი დეგნანის განცხადებით, ვაშინგტონის მაღალი თანამდებობის პირებისგან კითხვები მიიღო იმ პირების მოტივების შესახებ, რომლებიც განაგრძობენ რუსულ დეზინფორმაციაზე დაფუძნებული შეთქმულების თეორიებისა და სიცრუის გამეორებას.

როგორც ელჩმა განაცხადა, ვაშინგტონის მაღალჩინოსნებში დიდი დაბნეულობაა, თუ რატომ არ ემიჯნება ამას მთავრობა უფრო მკვეთრად და მკაფიოდ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს