ანტიდასავლური პოლიტიკა მაშინ იყო, როცა „ნაციონალური მოძრაობის“ წარმომადგენლები თუნდაც კელი დეგნანის და ნებისმიერი დასავლელი ელჩის გაძევებას ითხოვდნენ, ვინც კონკრეტულ საკითხებთან დაკავშირებით მათ გემოვნებაში არ ჯდებოდა, - ამის შესახებ პარლამენტის ვიცე-სპიკერმა გია ვოლსკიმ ჟურნალისტებს განუცხადა.

როგორც ვოლსკიმ ამ კონტექსტში აღნიშნა, თუკი ადამიანი კითხვას იმის თაობაზე სვამს, გაემიჯნა თუ არა თავად აშშ-ს ელჩი განცხადებებს, რასაც უკრაინის ხელისუფლების წარმომადგენლები და ზოგიერთი არასამთავრობო ორგანიზაცია საქართველოს ხელისუფლების მიმართ აკეთებს, ამასთან დაკავშირებით მყარი პოზიციაა საჭირო.

“თუ ადამიანები მყარ პოზიციას ითხოვენ, ეს ანტიდასავლურ პოლიტიკას არ ნიშნავს. დასავლური სამყაროსთვის საპირისპირო აზრების არსებობა უცხო არ არის. კითხვების დასმა არც ამერიკის საზოგადოებისთვის და პოლიტიკოსებისთვის ახალი და გაუგებარი არ არის“, - აღნიშნა გია ვოლსკიმ.