გია ვოლსკი - ვფიქრობ, გარკვეულ რესურსს მობილიზება უნდა გავუკეთოთ იმისათვის, რომ ჩვენი მედია დაემგვანოს იმ მედიას, რითაც განვითარებული დემოკრატიები ხასიათდება

ვფიქრობ, გარკვეულ რესურსს მობილიზება უნდა გავუკეთოთ იმისათვის, რომ ჩვენი მედია დაემგვანოს იმ მედიას, რითაც განვითარებული დემოკრატიები ხასიათდება, - ამის შესახებ პარლამენტის პირველმა ვიცე - სპიკერმა გია ვოლსკიმ "მაუწყებლობის შესახებ" კანონში ცვლილებების კომენტირებისას განაცხადა. მისი თქმით, სიძულვილის ენის აკრძალვაში საშიში არაფერია.

„ზოგადად, ეს არ არის ქართული ნოუ ჰაუ, ეს ერთი და რაც მთავარია, ჩვენი საზოგადოება ისედაც დაძაბულ ვითარებაში წალეკა დეზინფორმაციამ, ბინძური ენის და ბინძური პროპაგანდის გამოყენებამ და ვფიქრობ, გარკვეულ რესურსს მობილიზება უნდა გაუკეთოთ იმისათვის, რომ ჩვენი მედია დაემგვანოს იმ მედიას, რითაც განვითარებული დემოკრატიები ხასიათდება. საშიში იმაში არაფერი არ უნდა იყოს, თუკი სიძულვილის ენის გამოყენებას გიკრძალავენ იმ კატეგორიულად მიუღებელი ფორმით, განსაკუთრებით, რომელიც ზოგიერთ მედიასაშუალებას ახასიათებს, რა არის ამაში საშიში ან მიუღებელი არ მესმის, თუმცა, განხილვის დროს მეტი ინფორმაცია გვექნება,"- განაცხადა ვოლსკიმ.

კითხვაზე, რომ მათი და ზოგადად, პოლიტიკოსების განცხადებები, ხშირად სწორედ სიძულვილის ენას შეიცავს და ასეთი რეგულირების პირობებში, როგორ წარმოუდგენიათ, როგორ უნდა გააშუქოს მედიამ მათი განცხადებები, ვოლსკი აღნიშნავს, რომ რაღაცები ალბათ, დასაზუსტებელია.

„რაღაცები ალბათ დასაზუსტებელია და კითხვა -პასუხის დროს ეს იქნება ხაზგასმული, მაგრამ არა მხოლოდ პოლიტიკოსების მხრიდან არის სიძულვილის ენა, არამედ სპეციალურად მთელი შოუ იდგმება გარკვეულ ტელევიზიებში, რომ სიძულვილის ენამ გადაფაროს ის რეალობა, რაც პოლიტიკურ თუ სხვა სივრცეში გაგვაჩნია საქართველოში. გარკვეულ რეგულირებას უნდა დაექვემდებაროს ეს მძიმე დამახასიათებელი ჩვენი მედიისა. უნდა ვიფიქროთ ასევე მომავალ თაობაზე, რომელიც ყველაფერს უყურებს და შესაბამისად, მის ფსიქიკაზე მოქმედებს, ასე რომ, განვიხილოთ,"- განაცხადა ვოლსკიმ.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“