20-23 სექტემბერს თბილისი IUSY-ს „მშვიდობის კომიტეტის“ (PTN) დელეგაციას უმასპინძლებს

„ქართული ოცნება“ ახალგაზრდული ორგანიზაციის მოწვევით, 20-23 სექტემბერს თბილისი ახალგაზრდა სოციალისტთა საერთაშორისო გაერთიანების (IUSY) „მშვიდობის კომიტეტის’’ (PTN) დელეგაციას უმასპინძლებს. ამის შესახებ ინფორმაციას „ქართული ოცნების“ პრესსამსახური ავრცელებს.

3 -დღიანი ოფიციალური ვიზიტის ფარგლებში საერთაშორისო დელეგაცია თბილისს 20 სექტემბერს ეწვევა. დელეგაციას IUSY-ს გენერალური მდივანი ბრუნო გონსალვესი ხელმძღვანელობს.

„ვიზიტის ფარგლებში გაიმართება PTN-ის პირველი საერთაშორისო კონფერენცია და პანელური დისკუსიები, რომელშიც მონაწილეობას IUSY-ს წარმომადგენლები, ევროპარლამენტარები და საერთაშორისო მკვლევარები მიიღებენ. ,,მშვიდობის კომიტეტი'' ერთობლივ განცხადებას შეიმუშავებს.

დელეგაციის წევრები საკანონმდებლო, აღმასრულებელი და ადგილობრივი ხელისუფლების წარმომადგენლებს შეხვდებიან და საოკუპაციო ხაზს მოინახულებენ. შეხვედრები გაიმართება პარტიის ცენტრალურ ოფისშიც.

PTN-ის შექმნის იდეით პარტიის ახალგაზრდული ორგანიზაცია პირველად 2017 წელს, IUSY-ს შავი ზღვის კომიტეტზე (BSAC) გამოვიდა. ასევე, ეს იდეა 2019 წელს თბილისში პრეზიდიუმისა და BSAC-ის კომიტეტზეც დაფიქსირდა.

ქართული ოცნების ახალგაზრდული ორგანიზაციის, როგორც საერთაშორისო გაერთიანების სრულუფლებიანი წევრის ინიციატივით, მსოფლიო კონგრესმა „მშვიდობის კომიტეტი’’ 2021 წელს დააფუძნა. კომიტეტი მუშაობას შეუდგა გაეროს მიერ აღიარებული კონფლიქტების მშვიდობიანი გზით გადაწყვეტისა და კონფლიქტში ჩართულ მხარეებს შორის დიალოგის გაღრმავების კუთხით.

აღსანიშნავია, რომ IUSY მსოფლიოს უმსხვილესი ახალგაზრდული პოლიტიკური გაერთიანებაა და მასში 200-ზე მეტი ორგანიზაციაა გაწევრიანებული“, -ნათქვამია განცხადებაში.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა