სალომე სამადაშვილი - იმის ნაცვლად, რომ დამნაშავეების დევნით იყოს დაკავებული ქვეყნის შს მინისტრი, აღმოჩნდა, რომ ფარულ შეხვედრებს მართავს FSB-ს წარმომადგენლებთან

შს მინისტრი იღრიჭება, როცა ეკითხებიან, რატო ვერ დააკავა დღემდე მძარცველი და ეს არის ამის შედეგი, - ასე ეხმიანება "ლელოს" დეპუტატი სალომე სამადაშვილი ჟურნალისტებთან ქუთაისში, „საქართველოს ბანკის“ ფილიალში შეიარაღებული მძარცველის შეჭრას.

მისი თქმით, შს მინისტრი დამნაშავეების დევნის ნაცვლად რუსეთის სპეცსამსახურებთან შეხვედრებით და ოპონენტების დევნით არის დაკავებული.

"როცა ქვეყანას მართავს ხელისუფლება, რომელმაც საღლიცინოდ და მასხრად ასაგდებ თემად აქცია, რაც ცოტა ხნის წინ მოხდა - უპრეცედენტო ძარცვა, დამნაშავე მიიმალა. იმის ნაცვლად, რომ დამნაშავეების დევნით იყოს დაკავებული ქვეყნის შს მინისტრი, აღმოჩნდა, რომ ფარულ შეხვედრებს მართავს FSB-ს წარმომადგენლებთან და შემდეგ ნიშნის მოგებით გვეუბნება, რა მოხდა თუ ვინმეს შევხვდიო. როცა, ასეთ მდგომარეობაშია ქვეყანა, სადაც მთელი სახელმწიფო რესურსები მიმართულია ოპოზიციის დევნაზე, თვალთვალზე, ჩაწერაზე, ამაზე იხარჯება მთელი ენერგია, დრო და სახსრები, ვხედავთ დღისით, მზისით ჩვენი თანამოქალაქეების ცხოვრება, სიცოცხლე და ჯანმრთელობა უზარმაზარი საფრთხის ქვეშ არის, რადგან მორიგ ჯერზე გადაწყვიტა ვიღაცამ, რომ გამოუვა ძარცვა და რატომ არ უნდა ჩათვალოს, რომ გამოუვა, როდესაც სხვას გამოუვიდა?! დღეს სამარცხვინოდ იღრიჭება შს მინისტრი, რომელიც შეხვედრებზე დადის რუსეთის სპეცსამსახურის წარმომადგენლებთან და იღრიჭება, როცა ეკითხებიან, რატო ვერ დააკავა დღემდე მძარცველი და ეს არის ამის შედეგი", - განაცხადა სამადაშვილმა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე