მამუკა მდინარაძე - გოგაშვილის შანტაჟის სფერო მოიცავს არა მხოლოდ სასამართლოს, არამედ სახელმწიფოს ყველა ინსტიტუტს - მისი ყოველი ახალი წერილი მიზნად ისახავს იმას, რომ ქართული სახელმწიფო დააზიანოს

სოსო გოგაშვილის შანტაჟის სფერო მოიცავს არა მხოლოდ სასამართლოს, არამედ სახელმწიფოს ყველა ინსტიტუტს - მისი ყოველი ახალი წერილი მიზნად ისახავს იმას, რომ ქართული სახელმწიფო დააზიანოს,- ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან საუბრისას განაცხადა, რითაც გამოეხმაურა მოსამართლე ლევან მურუსიძისადმი სუს-ის უფროსს ყოფილი მოადგილის სოსო გოგაშვილის პასუხს.

როგორც მდინარაძემ აღნიშნა, გოგაშვილი „აბსურდულ რაღაცებს საუბრობს“.

„ამ ადამიანის მხრიდან შანტაჟის ენით საუბარს ვხედავთ, რაც ნამდვილად არ გამკვირვებია. სასამართლო არ არის მხოლოდ დარტყმის ობიექტი, დარტყმის ობიექტია მთლიანად სახელმწიფო. ამ ადამიანის შანტაჟის სფერო მოიცავს არა მხოლოდ სასამართლოს, არამედ სახელმწიფოს ყველა ინსტიტუტს. მისი ყოველი ახალი წერილი მიზნად ისახავს იმას, რომ დააზიანოს ქართული სახელმწიფო. ეს უკვე ხელის გულზე დევს, მარტივი გასაშიფრია და უჩვეულო ამაში არაფერი ყოფილა. სასამართლოს წარმომადგენელი დაადასტურებდა თუ არა ამას, ისედაც ნათლად ჩანდა, რომ გოგაშვილი აზიანებდა სახელმწიფოს და მის ქმედებებს სხვა მიზანი არ აქვს. ის გადასულია შეტევაზე, თუმცა აბსურდულ რაღაცებს საუბრობს. ჩემთვის წითელი ხაზი ნამდვილად იყო ის, რომ თითქოს, „ქართული ოცნება“ მოსკოვში აგზავნიდა რაღაც სიებს შესათანხმებლად. ამას რომ ადამიანი იტყვის, ამის იქით რაც არ უნდა თქვას, უკვე აქ ყველაფერი ნათელია, ხელის გულზე დევს და ასეთ ზღაპრებს, მგონია, რომ ქართული საზოგადოების რაღაც ნაწილიც კი აღარ დაიჯერებს“, - განაცხადა მდინარაძემ.

ცნობისთვის, სახელმწიფო უსაფრთხოების სამსახურის უფროსის, ყოფილი მოადგილე, ბრალდებული სოსო გოგაშვილი მოსამართლე ლევან მურუსიძეს სასჯელაღსრულების დაწესებულებიდან პასუხობს.

ინფორმაციაში, რომელიც გოგაშვილის „ფეისბუქგვერდზეა“ განთავსებული, გოგაშვილი ლევან მურუსიძესთან მის ურთიერთობაზე საუბრობს. როგორც გოგაშვილი აცხადებს, სწორედ მურუსიძე და თავად „ალაგებდნენ“ „ოცნების“ სასარგებლოდ სასამართლო დავების გადაწყვეტის საკითხს.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო