მამუკა მდინარაძე ოპოზიციაზე - შეუძლიათ საგამოძიებო კომისია შექმნან, თუ ისინი ფიქრობენ, რომ ამ აბსურდზე, რომელსაც თავად იგონებენ და შემდეგ გოგაშვილი ახმოვანებს, კომისია უნდა შეიქმნას

შეუძლიათ საგამოძიებო კომისია შექმნან, თუ ისინი ფიქრობენ, რომ ამ აბსურდზე, რომელსაც თავად იგონებენ და შემდეგ გოგაშვილი ახმოვანებს, კომისია უნდა შეიქმნას, - ასე ეხმაურება „ქართული ოცნების“ აღმასრულებელი მდივანი მამუკა მდინარაძე ოპოზიციის მოთხოვნას იმის თაობაზე,რომ სოსო გოგაშვილის მიერ გავრცელებული ინფორმაციები საპარლამენტო კომისიის შესწავლის საკითხი გახდეს.

როგორც მდინარაძე განმარტავს, ყველა სახის ინფორმაციას სჭირდება დამადასტურებელი ფაქტი.

„საგამოძიებო კომისიის შექმნა ახალი რეგლამენტის მიხედვით, მათი კომპეტენციაა, შეუძლიათ ეს კომისია შექმნან, თუ ისინი ფიქრობენ, რომ ამ აბსურდზე, რომელსაც თვითონ იგონებენ და შემდეგ გოგაშვილი ახმოვანებს, კომისია უნდა შეიქმნას, ეს მათი საქმეა. უკვე შემოტანილია შესაბამისი ხელმოწერები მათი მხრიდან და კი ბატონო, შეიქმნას ეს კომისია და ჩვენც ჩავერთვებით, რეგლამენტის მიხედვით ვიმოქმედებთ და კომისიამ დადოს, რა შედეგი შეიძლება დაიდოს. მარტივად შეგვიძლია შევთანხმდეთ, ჩვენ, საზოგადოება, ჟურნალისტები, როცა ვიღაც რაღაცას ლაპარაკობს, შესაბამისი მტკიცებულებები მოვთხოვოთ ხოლმე, თქვენ, მაგალითად, შეგიძლიათ ბევრი რაღაც თქვათ, მაგრამ თუ მტკიცებულებას არ წარმოადგენთ, ჰაერში გაბნეულ ამბად დარჩება.

ნათქვამს, რაღაც ფაქტით გამყარება ხომ სჭირდება. მაგალითად, სამმა ადამიანმა ახლა პირი რომ შეკრათ და რაღაცები ილაპარაკოთ ერთმანეთის თანხვედრაში მოსული, ერთი ფაქტობრივი მტკიცებულება მაინც ხომ სჭირდება ამ ყველაფერს. ანუ ჩვენ რას მივეჩვიეთ იცით წლების განმავლობაში - „ნაცმოძრაობის“ ტელევიზიები, „ნაციონალური მოძრაობის“ წარმომადგენლები, მათი აგენტები, მათი გარე სპიკერები რაღაცებს ლაპარაკობენ და შემდეგ ცდილობენ ამ ყველაფრის ფაქტად წარმოჩენას. ერთი ფაქტობრივი მტკიცებულება ოდესმე გინახავთ, რასაც ისინი ლაპარაკობენ, რაიმე ფაქტით გამყარებული გინახავთ? ნალაპარაკები არ არის ფაქტი, ამ მოცემულობაზე შევთანხმდეთ. ვინ რა დაუდასტურა ერთმანეთს და როგორ შეთამაშდნენ აგენტები, გარე სპიკერები და „ნაცმოძრაობის“ წარმომადგენლები, ეს არის მეორე საკითხი. ჩვენ, ყოველთვის ვითხოვთ ფაქტს და მტკიცებულებას. ჩვენი მხრიდან რაღაც ინფორმაცია რომ ვრცელდება ხოლმე, კონკრეტული ფაქტებით ხომ გელაპარაკებით, ასეთივე ფაქტებით ხომ შეუძლიათ მათაც ილაპარაკონ, მაგრამ არ შეუძლიათ, ეს არის პასუხი ყველაფერზე“, - განაცხადა მდინარაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო