რუსეთის საგარეო საქმეთა მინისტრმა სერგეი ლავროვმა გაერო-ს უშიშროების საბჭოს სხდომა სიტყვით გამოსვლის შემდეგ დატოვა.
„დღეს არის მცდელობა, თავს მოგვახვიონ სრულიად განსხვავებული ნარატივი რუსული აგრესიის შესახებ, როგორც ყველა ტრაგედიის საწყისი” , - აღნიშნა რუსეთის საგარეო საქმეთა მინისტრმა.
ლავროვმა უკრაინისა და რუსეთის ისტორიულ ურთიერთობაზე ისაუბრა და უკრაინა “ტოტალიტარულ“ ქვეყნად მოიხსენია.
რუსმა დიპლომატმა დასძინა, რომ "შეშფოთებულია უკრაინის მიერ ტყვედ აყვანილი რუსი ჯარისკაცების ბედით".
ამასთან, ლავროვმა განაცხადა, რომ მას "უნდობლობა" აქვს სისხლის სამართლის საერთაშორისო სასამართლოს მუშაობისადმი.