ხატია დეკანოიძე  - არავითარი განხეთქილება არ არსებობს „ნაციონალურ მოძრაობაში“, შეიძლება იყოს აზრთა სხვადასხვაობა - ეს არ არის „ქართული ოცნება“, სადაც „ჩათში“ წერენ გზავნილებს

„ნაციონალური მოძრაობის“ ერთ-ერთი ლიდერის, ხატია დეკანოიძის განცხადებით, პარტიაში არავითარი განხეთქილება არ არსებობს.

როგორც დეკანოიძემ, „პალიტრანიუსის“ გადაცემა „თავისუფალ სტუდიაში“ განაცხადა, პარტია დიდია და შეიძლება იყოს აზრთა სხვადასხვაობა.

„არავითარი განხეთქილება არ არსებობს პარტიაში. მესმის ჩვენი „კეთილის მსურველების“ მათ უნდათ, რომ ასე იყოს, მაგრამ ნამდვილად ასე არ არის. ჩვენი გულანთებული მომხრეების კრიტიკა მისაღებია. ახლა მთავარი ფოკუსი უნდა იყოს ბიძინა ივანიშვილი და სხვა გადახრა-გადმოხრა არ იძლევა რეალურ შედეგს.

შეიძლება პარტიაში იყოს აზრთა სხვადასხვაობა. დამერწმუნეთ, არაფერი განსაკუთრებული არ ხდება, რაც მომხდარა და ხდება ხოლმე. პარტია დიდია ძალიან. რეალურად ჩვენს პარტიაში არსებობენ ადამიანები, რომლებსაც შეიძლება ერთ საკითხზე ერთი აზრი ჰქონდეთ, მეორეზე მეორეზე. ეს არ არის „ქართული ოცნება“ , რომლებიც ჩატში წერენ გზავნილებს. ჩვენი შეგნებული დამოკიდებულებით ვართ ოპოზიციაში, იმიტომ რომ ამ ქვეყნისთვის უკეთესი მომავალი გვსურს“,- განაცხადა დეკანოიძემ.

ამასთან, დეკანოიძე დავით კეზერაშვილთან დაკავშირებით ნიკა მელიას განცხადებას და "ნაციონალური მოძრაობის" თავმჯდომარისადმი მათივე პარტიის წევრების კრიტიკას გამოეხმაურა და აღნიშნა, რომ ყველა საერთაშორისო სტანდარტით და შეფასებით ქვეყანაში ერთადერთი ოლიგარქი არის ბიძინა ივანიშვილი და დარწმუნებულია, რომ ნიკა მელიაც ამას იზიარებს.

"მე ვთვლი და დარწმუნებული ვარ, რომ ნიკაც {მელია} ამას იზიარებს, ამ ქვეყანაში ერთადერთი ოლიგარქი არის ბიძინა ივანიშვილი, ყველა საერთაშორისო სტანდარტით და შეფასებით. რაც შეეხება კეზერაშვილს ის არის კრიტიკული მედიის დამფუძნებელი და მე კრიტიკულ მედიას დემოკრატიის ჭრილში, ამ ქვეყნისთვის ვუყურებ მნიშვნელოვნად. სხვა ჭორებს , რაც შეეხება კომენტარს არ გავაკეთებ. ვფიქრობ , რომ სხვა მიმართულებით საუბარი ხელს აძლევს ხელისუფლებას. ჩვენი მთავარი ამოცანაა, ნიკასი, ჩვენი მეგობრების, ყველასი ბიძინა ივანიშვილის წინააღმდეგ ბრძოლა“,- განაცხადა დეკანოიძემ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია