გამომძიებლის განცხადებით, ყადაღა სოსო გოგაშვილის, მისი ოჯახის წევრებისა და უახლოესი გარემოცვის უძრავ და მოძრავ ქონებას დაედო, რომელთა შორისაც საცხოვრებელი ბინები, მიწის ნაკვეთები, სასოფლო-სამეურნეო ტექნიკა და ცეცხლსასროლი იარაღებია

ანტიკორუფციული სააგენტოს გამომძიებლის, დავით მშვილდაძის ინფორმაციით, სუს-ის უფროსის ყოფილი მოადგილის, სოსო გოგაშვილის, მისი ოჯახის წევრებისა და უახლოესი გარემოცვის წევრების უძრავ-მოძრავ ქონებაზე ყადაღის დადებისა და ამოღების პროცედურა თბილისთან ერთად, იმერეთისა და კახეთის რეგიონებში მიმდინარეობს.

როგორც გამომძიებელმა ჟურნალისტებთან საუბრისას აღნიშნა, დაყადაღებული ავტომობილების გადაყვანა სპეციალურ ავტოსადგომზე მოხდება. მისივე თქმით, ამოღებული ნივთების რაოდენობასა და დაყადაღებული ნივთების შესახებ დამატებით ინფორმაციას ანტიკორუფციული სააგენტო გაავრცელებს.

,,ანტიკორუფციული სააგენტოს საგამოძიებო სამსახურში მიმდინარეობს გამოძიება სისხლის სამართლის საქმეზე, რომელიც შეეხება უკანონო შემოსავლის ლეგალიზაციას. აღნიშნული გამოძიების ფარგლებში, მოსამართლის განჩინების საფუძველზე ყადაღა დაედო სოსო გოგაშვილის, მისი ოჯახის წევრებისა და უახლოესი გარემოცვის უძრავ და მოძრავ ქონებას. ესენია: საცხოვრებელი ბინები, მიწის ნაკვეთები, ავტო და მოტო ტექნიკა, სასოფლო სამეურნეო ტექნიკა, ცეცხლსასროლი იარაღები და სხვა.

ამჟამად მიმდინარეობს მოძრავი ნივთების ამოღება, რაც გათვალისწინებულია 157-ე მუხლის მეშვიდე ნაწილით. აღნიშნული მოქმედებები მიმდინარეობს როგორც თბილისში, ასევე იმერეთსა და კახეთში. დამატებით ინფორმაციას ამოღებული ნივთების რაოდენობასა და დაყადაღებული ნივთების შესახებ დამატებით მოგაწვდით ჩვენი სამსახური”, - აღნიშნა დავით მშვილდაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს