კარგია, თუ ნიკა მელია, როგორც პარტიის თავმჯდომარე, ინტელექტუალურ-პოლიტიკურ ბრძოლაზე გადაერთო,- ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა, რითაც დავით კეზერაშვილის შესახებ "ნაციონალური მოძრაობის" თავმჯდომარის, ნიკა მელიას განცხადებას გამოეხმაურა.

ვოლსკი ვარაუდობს, რომ მსგავსი განცხადებები გარკვეული შიდა დაპირისპირებით არის გამოწვეული.

"ამ ბრძოლის შინაარსი ყველასთვის ნათელია - ჯგუფებს შორის დაპირისპირება მიმდინარეობს, რაც ამ პოლიტიკური ძალის შიდა სახეს წარმოადგენს. წინააღმდეგობები არის უამრავი, მაგრამ მთავარია, ამას საზოგადოება როგორ შეაფასებს არჩევნების დროს," - განაცხადა ვოლსკიმ.

ცნობისთვის, ნიკა მელიამ „საზოგადოებრივი მაუწყებლის“ ეთერში განაცხადა, რომ რაც უფრო შორს იქნება პოლიტიკური სპექტრისგან კეზერაშვილი, მით უკეთესი იქნება პირადად მისთვის და ქართული პოლიტიკური ცხოვრებისთვის, მით უფრო ივანიშვილის წინააღმდეგ ბრძოლის პროცესში.