ლადო კახაძე ოპოზიციას - ენის ჭკუაზე არ იაროთ კაცო, ენა მეტყველების ორგანო არაა, ენა მეტყველებაში მონაწილე ორგანოა, მას ტვინი აკონტროლებს და 32 კბილი, ბოლო-ბოლო ენას უნდა დააჭირო

მოსახლეობასთან თავს ნუ ირცხვენთ! მტკივა გული რომ ოპოზიცია აღარ არსებობთ! მტკივა ეს... ღვარძლი გალაპარაკებთ, კაცო, ღვარძლი, - ასე მიმართა პარლამენტის უმრავლესობის წევრმა ლადო კახაძემ ოპოზიციის წარმომადგენლებს პარლამენტის პლენარულ სხდომაზე, სადაც ინტერპელაციის წესით ჯანდაცვის მინისტრს, ზურაბ აზარაშვილს უსმენენ.

კახაძემ სოციალურ პოლიტიკაზე ოპოზიციის მიერ გაკეთებული განცხადებები გააკრიტიკა და აღნიშნა, რომ „32 კბილი უნდა დააჭირო ენას, რომ არ წამოგცდეს არასწორად ნათქვამი“.

„16 ათასით გაიზარდა სოციალური შემწეობაო. აფერუმ! ბიჭოოო, რა მაგარ ქვეყანაში ვცხოვრობთ, კაცო?! მე მეგონა, 160 ათასით გაიზრდებოდა. „ძველ ვოდევილებში“ არის სცენა ღორის ასაკზეა ლაპარაკი და ამბობენ, ყველაფერს ლაპარაკობს ეს ქალი, ყველაფერს, მაგრამ ღორზე არაფერს ლაპარაკობსო - ასე ნუ იქცევით, მოსახლეობასთან თავს ნუ ირცხვენთ! მტკივა გული რომ ოპოზიცია აღარ არსებობთ! მტკივა ეს... ღვარძლი გალაპარაკებთ, კაცო, ღვარძლი. რა მნიშვნელობა აქვს ევროკავშირში რომელი ხელისუფლების პირობებში გაერთიანდება ქვეყანა, თუ თქვენ ამ ქვეყნის გულშემატკივრები ხართ? სირცხვილი და თავის მოჭრა თქვენს ქცევას! ცუდ სიტყვას არ ვიტყვი...

ადამიანებს შესთავაზეს ერთი, მეორე, მესამე,მეოთხე და მეხუთე [სამსახური], თქვეს ეს არ გვინდა, არ გვინდა, არ გვინდა... რა აღმოჩნდა იცით? აღმოჩნდა, რომ ისინი მუშაობენ, მაგრამ არსად არ ჩანან, ჩრდილში არიან. ჩვენ შევთავაზეთ, თუ თქვენ მართლა ჩვენი ნდობა გაქვთ და შეგვიძლია თქვენი დაუმადლებელი შრომით რაღაცით შეგეწიოთ, გვიგულეთ პარტნიორებად, მაგრამ თუ შენ ფიქრობ, რომ ჩვენ ისეთი ბეცები ვართ, რომ შეგიძლია ეს ყველაფერი ისე გაატარო, ჩვენი თავი სხვას აგინებინო, აქ ციფრიც გაჟღერდა, რომ დღეში 40-50 ლარი გვაქვს შემოსავალი და თვეში 1200-იო, ბიჭო, 1200 ლარი თუ აქვს ცუდად როგორ ცხოვრობს და სოციალური შემწეობა როგორ აქვს დასანიშნი? თქვენვე გაყიდეთ ახლა ეს ინფორმაცია და არასწორი თქვით. ამიტომ სიტყვის თქმის დროს ენა კი არ არის მთავარია, ტვინია. ენის ჭკუაზე არ იაროთ კაცო, ენა მეტყველების ორგანო არაა, ენა მეტყველებაში მონაწილე ორგანოა, მას ტვინი აკონტროლებს და 32 კბილი, ბოლო-ბოლო უნდა დააჭირო ენას, რომ არ წამოგცდეს არასწორად ნათქვამი“, - მიმართა კახაძემ ოპოზიციის წარმომადგენლებს.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო