„ქართული ოცნების" დეპუტატები არ ადასტურებენ რომან გოცირიძის მიერ გავრცელებულ ინფორმაციას, რომ მამუკა მდინარაძე, ირაკლი ქადაგიშვილი, დავით მათიკაშვილი და ზაალ მიქელაძე ე.წ. ოთხეულს უერთდებიან

„ქართული ოცნების" დეპუტატები არ ადასტურებენ „ნაციონალური მოძრაობის“ წევრის, რომან გოცირიძის მიერ გავრცელებულ ინფორმაციას, რომ მამუკა მდინარაძე, ირაკლი ქადაგიშვილი, დავით მათიკაშვილი და ზაალ მიქელაძე ე.წ. ოთხეულს უერთდებიან.

„ინტერპრესნიუსი" აღნიშნულთან დაკავშირებით დაუკავშირდა საპროცედურო საკითხთა და წესების კომიტეტის თავმჯდომარე ირაკლი ქადაგიშვილს, რომელმაც მისი ე.წ. ოთხეულში გადასვლის ინფორმაცია არ დაადასტურა და აღნიშნა, რომ „ასეთი რამ პირველად ესმის". რაც შეეხება დავით მათიკაშვილს, როგორც დეპუტატი აცხადებს, "ქართული ოცნებიდან" არსად წასვლას არ აპირებს.

„სისულეებს ლაპარაკობს (რომან გოცირიძე), არ ვადასტურებ," - განაცხადა მათიკაშვილმა.

ინფორმაციას „ინტერპრესნიუსთან“ გამოეხმაურა ზაალ მიქელაძეც. მისი თქმით, ამის თაობაზე "გუნდში საუბარი არ ყოფილა".

„უკვე ვეღარ ვხდები, ამაზე გავცე პასუხი, თუ იმაზე, თუ რას წარმოადგენს რომან გოცირიძე. მეგონა, მხოლოდ მოსმენის პრობლემა ჰქონდა, მაგრამ აღქმის პრობლემაც ჰქონია, პრობლემა ეტყობა ცენტრალურ ნერვულ სისტემაში აქვს და რაღაცები დასალაგებელი აქვს, რადგან ამ ინფორმაციას მეც გავეცანი და თურმე ვიცე- სპიკერიც ვყოფილვარ და რისთვის ზის პარლამენტში, სხვა თუ არაფერი კომიტეტის თავმჯდომარეები და ვიცე- სპიკერები მაინც უნდა იცოდეს. ასეთ ადამიანს როგორ შეიძლება რაიმე დაუჯერო?! თუ რაიმე გადაწყვიტილების მიღებას ვაპირებ, ყოველ შემთხვევაში, რომან გოცირიძესთან არაფრის შეთანხმებას არ ვაპირებთ.

მე ერთი პრინციპი ვიცი - "არასოდეს თქვა არასოდეს", მაგრამ ამ წუთში მსგავსი საუბარი არც ყოფილა არც გუნდის შიგნით, არც ჩემს თავთან, კითხვაც არ დამისვამს, ვარ იქ, სადაც ვარ. არაფერი მსგავსი არ ყოფილა, ეს შემიძლია დაგიდასტუროთ,"- განაცხადა მიქელაძემ.

გოცირიძის მიერ გავრცელებულ ონფორმაციას ფრაქცია „ქართული ოცნების“ თავმჯდომარე მამუკა მდინარაძე ასე პასუხობს - „ვთხოვე არსად ეთქვა და მაინც „ჩამიშვა". მდინარაძის თქმით, მისი ეს კომენტარი შეგვიძლია გამოვიყენოთ და ხალხმა გადაწყვიტოს, სწორია თუ არა მის შესახებ გავრცელებული ინფორმაცია.

ცნობისათვის, „ნაციონალური მოძრაობის" დეპუტატმა რომან გოცირიძემ გაავრცელა ინფორმაცია, რომ „ქართული ოცნების" კიდევ ოთხი დეპუტატი უერთდება ე.წ. ოთხეულს.

„უმრავლესობაში ტრაურია. ივანიშვილმა გადაწყვიტა, განდგომილ ოთხეულს მიუერთოს კიდევ ოთხი წევრი: მამუკა მდინარაძე, ირაკლი ქადაგიშვილი, დავით მათიკაშვილი და ვინმე ზაალ მიქელაძე, რომელიც თურმე პარლამენტის წევრი კი არა, მთლად ვიცე-სპიკერი ყოფილა.

ტრაური იქნება, აბა რა, ვის უნდა სანქციების სიაში მოხვედრის კანდიდატად ყოფნა?"- წერს რომან გოცირიძე სოციალურ ქსელში.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო