ალუდა ღუდუშაური - საქართველო იდგა ცივილიზებულ სამყაროსთან, მათ შორის, ჩვენს პარტნიორ ამერიკის შეერთებულ შტატებთან, დგას და მომავალშიც ამ გზით წავალთ - ეს არის ჩვენი ხალხის ნება

„ქართული ოცნების" წევრის, პარლამენტის დეპუტატის ალუდა ღუდუშაურის განცხადებით, საქართველო იდგა ცივილიზებულ სამყაროსთან, მათ შორის, პარტნიორ ამერიკის შეერთებულ შტატებთან, დგას და მომავალშიც ამ გზით წავა.

როგორც ღუდუშაურმა „პალიტრანიუსის“ გადაცემა „360 გრადუსში“ განაცხადა, ურთიერთობა, რომელიც ამერიკასა და საქართველოს აქვს ძალიან მაღალი დონის დიპლომატიური ურთიერთობაა.

მისი თქმით, პრემიერ-მინისტრ ირაკლი ღარიბაშვილის ვიზიტი ამერიკაში არის წარმატებული ვიზიტი და მას შთამბეჭდავი სიტყვით გამოსვლა ჰქონდა, რომელმაც ყველაფერზე წერტილი დასვა.

„ამაყი ვარ ქართველი ხალხის და საქართველოს თავისუფლებისკენ მიდრეკილებით და ამაყი ვარ, რომ ჩვენი ქვეყნის პრემიერ-მინისტრის გაბედული, ღირსეული გამოსვლა ვიხილეთ ძალიან მაღალი ტრიბუნიდან. იმ ფონზე, როდესაც პრემიერის შთამბეჭდავი ვიზიტი ხორციელდება ამერიკაში, ამის პარალელურად ვხედავთ სასოწარკვეთილებაში მყოფ დესტრუქციულ ძალებს. მოხდა მკაფიო ხაზგასმა იმისა, რომ საქართველო არის ცივილიზებული სამყაროს გვერდით. საქართველო არის ერთგული იმ ნაბიჯებისა, რომელიც ჩვენმა წინაპრებმა განსაზღვრეს. ეს არის წარმატებული ვიზიტი და შთამბეჭდავი სიტყვით გამოსვლა იყო. ამის პარალელურად აქა-იქა წკავწკავებენ შარა-გზაზე მყეფარი ძაღლებივით. ეს ადამიანები უფრო და უფრო ემსგავსებიან სასოწარკვეთილებაში მყოფ ადამიანებს. ბატონი, პრემიერის მაღალი ტრიბუნიდან გაკეთებული განცხადებები ვფიქრობ, რომ არის ყველაფერზე წერტილი.

მე დარწმუნებული ვარ, რომ ამერიკასა და საქართველოს შორის არის ძალიან მჭიდრო, ურყევი სტრატეგიული თანამშრომლობა. როდესაც ამერიკის შეერთებული შტატების ძალიან მაღალი თანამდებობის პირები „ქართული ოცნების“ ხელისუფლებაში ყოფნის პერიოდში ჩამობრძანებულან, მათი განცხადებაა, რომ საქართველო ისე ახლოს არის აშშ-თან სტრატეგიული თანამშრომლობის კუთხით, როგორიც არასდროს ყოფილა ისტორიის განმავლობაში.

ურთიერთობა, რომელიც აშშ-თან გვაქვს ეს არის სტრატეგიული პარტნიორობა და ძალიან მაღალი დიპლომატიური ურთიერთობა. მე არ მინდა ვიფიქრო, რომ ვინმეს სურდეს ეს ურთიერთობა დააზიანოს. საქართველო აკეთებდა, აკეთებს და მომავალში გააკეთებს ყველაფერს იმისთვის, რომ ეს ურთიერთობები არ დაზიანდეს. საქართველო იდგა ცივილიზებულ სამყაროსთან, მათ შორის, ჩვენს პარტნიორ ამერიკის შეერთებულ შტატებთან, დგას და მომავალშიც ამ გზით წავალთ. ეს არის ჩვენი ხალხის ნება“,- განაცხადა ღუდუშაურმა.

მან ასევე ისაუბრა თუ რა ეტაპზეა ევროკომისიის 12 რეკომენდაციის შესრულების სამუშაოები და მან აღნიშნა, რომ რეკომენდაციის დაახლოებით 30% უკვე შესრულებულია, დანარჩენი დასრულების პროცესშია.

„ერთადერთი პუნქტი, რომელთა მიმართებაშიც არის ჩავარდნა, ეს არის პუნქტი, რომელიც დეპოლარიზაციას გულისხმობს. ამას სჭირდება ორი მხარე. ერთი მხარე არის კონსტრუქციული, მეორე მხარეს დგანან ადამიანები, რომლებიც ცხელ შემოდგომას აანონსებენ, სინამდვილეში ეს ადამიანები არიან „ფეიკ“ პოლიტიკოსები და მათი მიზანია როგორმე მოვიდნენ ხელისუფლებაში.

დეოლიგარქიზაციასთან დაკავშირებით მოხდა ის რომ, სრული ქაოსია იქითა ფლანგზე. ყველას დაგამშვიდებთ, რომ კანონი რომელზეც არის საუბარი, ვერცერთი პარამეტრით ბატონი ივანიშვილი ვერ მოხვდება ამ რეგულაციების ქვეშ, იმიტომ, რომ ის არ არის ოლიგარქი, ის არის მეცენატი და ქართველი ერის გადამრჩენელი. თუ ვინმე უნდა დასანქცირდეს ყველა პარამეტრით იქით მოიკითხონ“,- განაცხადა ღუდუშაურმა.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო