აზერბაიჯანელი ჟურნალისტი, აფგან მუხთარლი საკუთარი გატაცების შესახებ არსებული საქმის მასალების გასაცნობად პროკურატურაში მივიდა.

ის ამ დროისთვის შენობაში ადვოკატთან ერთად იმყოფება.

მანამდე მუხთარიმ დღეს გამართულ პრესკონფერენციაზე განაცხადა, რომ აღნიშნულ საქმესთან დაკავშირებით მოითხოვს ჩვენება მისცენ ბიძინა ივანიშვილმა და შინაგან საქმეთა მინისტრმა ვახტანგ გომელაურმა.

გარდა ამისა, მან აღნიშნა, რომ ხვალ წერილობით მიმართავს საქართველოს პარლამენტს და პრემიერ-მინისტრს, შს მინისტრის ვახტანგ გომალაურის თანამდებობიდან გათავისუფლების მოთხოვნით.

ცნობისთვის, აფგან მუხთარლი თბილისში 2017 წლის 29 მაისს გაუჩინარდა. მოგვიანებით აღმოჩნდა, რომ ის აზერბაიჯანში იმყოფება. მას ბრალი სამი მუხლით - აზერბაიჯანის სახელმწიფო საზღვრის უკანონოდ გადაკვეთის, კონტრაბანდის და ხელისუფლების წარმომადგენლისთვის წინააღმდეგობის გაწევის მუხლებით ჰქონდა წაყენებული. 2018 წლის 12 იანვარს აზერბაიჯანულმა სასამართლომ აფგან მუხთარლის 6 წლით თავისუფლების აღკვეთა მიუსაჯა, თუმცა აზერბაიჯანის ციხიდან ერთი წლის წინ გაათავისუფლეს. დარჩენილი წლები მას პირობითად ჩაეთვალა.