ირაკლი კობახიძე - რადიკალურ ოპოზიციას მაინც და მაინც დიდი რესურსი არ აქვს იმისთვის, რომ ოქტომბერში ვითარება არიოს  - ისინი დღეს დასუსტებული არიან, კეზერაშვილის ფულის გამო ებრძვიან ერთმანეთს

რადიკალურ ოპოზიციას მაინც და მაინც დიდი რესურსი არ აქვს იმისთვის, რომ ოქტომბერში ვითარება არიოს, - ამის შესახებ ჟურნალისტებთან პარტია "ქართული ოცნების" თავმჯდომარე ირაკლი კობახიძემ განაცხადა.

ის გამოეხმაურა "დროას" ლიდერის, ელენე ხოშტარიას განცხადებას, რომ "ქართულ ოცნებასთან" 12 რეკომენდაციის თაობაზე თანამშრომლობა წარმოუდგენელია და აღნიშნა, რომ ზოგადად, საქართველოში ოპოზიცია ორგვარია - "კონსტრუქციული" და „რადიკალური", ხოლო რადიკალურმა ნაწილმა რესურსი ამოწურა.

„მე არ ვიცი, ელენე ხოშტარიამ ამ განცხადებაში რამდენი რუბლი აიღო ან კეზერაშვილისგან რამდენი დოლარი, არც არის პრინციპში საინტერესო. პრინციპში, ესეც არ არის საინტერესო. რაც შეეხება ოპოზიციას, ისინი ორ ნაწილად უნდა გავყოთ. არის ჯანსაღი - კონსტრუქციული ოპოზიცია და რადიკალური. რადიკალურმა ოპოზიციამ რესურსები ამოწურა, თავადვე გახდნენ იმ პროცესების მსხვერპლი, რომელსაც სახელმწიფოს წინააღმდეგ აწარმოებდნენ. აქედან გამომდინარე, მაინც და მაინც დიდი რესურსი არ აქვთ იმისთვის, რომ ოქტომბერში არიონ ვითარება. ამ ყველაფერს საზოგადოება ხედავს. ისინი დღეს დასუსტებული არიან, კეზერაშვილის ფულის გამო ებრძვიან ერთმანეთს. ქვეყანაში იქნება სიმშვიდე,"- განაცხადა კობახიძემ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო