თეთრი სახლი მკაცრად გმობს უკრაინის წინააღმდეგ რუსეთის თავდასხმებს, რომელიც პუტინის სისასტიკეს წარმოაჩენს, - ამის შესახებ თეთრი სახლის პრესმდივანმა, კარინ ჟან-პიერმა განაცხადა.

მან უკრაინისთვის სამხედრო დახმარების ახალ, 725 მილიონი აშშ დოლარის ღირებულების პაკეტზე ისაუბრა, რომელიც აშშ-მა გასულ კვირას გამოაცხადა და ხაზი გაუსვა, რომ აშშ გააგრძელებს უკრაინელი ხალხის მხარდაჭერას მანამ, სანამ საჭირო იქნება.

„გავაგრძელებთ რუსეთისთვის საფასურის დაკისრებას და ომის დანაშაულებისთვის მათთვის პასუხისმგებლობის დაკისრებას“, – განაცხადა კარინ ჟან-პიერმა.

შეგახსენებთ, რუსეთმა უკრაინის დედაქალაქ კიევსა და სხვა ქალაქებზე გუშინ თავდასხების სერია განახორციელა. კიევის ცენტრის დაბომბვის შედეგად საცხოვრებელი კორპუსი ჩამოინგრა, რის შედეგადაც 4 ადამიანი, მათ შორის ორსული, დაიღუპა.