ჩემი აზრით, სირცხვილია, როცა კობახიძე პატარა ბავშვივით უკან ჩუმად უდგება გერმანიის კანცლერს და ფოტოს იღებს, რადგან მას თავი არ გამოეყოფა არსად - ის არის მთავარი ანტიმედასავლეთე და პრორუსი ამ ქვეყანაში, - ამის შესახებ ჟურნალისტებთან "სტრატეგია აღმაშენებლის" თავმჯდომარე გიორგი ვაშაძემ განაცხადა.

ვაშაძე ზურაბ ადეიშვილის შესახებ კობახიძის განცხადებას გამოეხმაურა და აღნიშნა, რომ უკრაინა თავად გადაწყვეტს, ვის სად წარადგენს.

"მისი დაწერილია ის წერილები, რომელსაც გვერდზე ჯგუფები აქვეყნებენ და რომელსაც "პოს ტივი" ღიად უჭერს მხარს მაგალითად. ამიტომ სამარცხვინოა, რომ ჩემი ქვეყნის ოფიციალური წარმომადგენელი, რომელიც თავს ესხმის ამერიკის ელჩს, ევროკავშირის ელჩს, ევროპარლამენტარებს და ამბობს, რომ ამერიკას და ევროპას არაფერი გაუკეთებია ამ ქვეყნისთვის და რუსეთს გაუკეთებია, ის წარმოადგენს ამ ქვეყანას სადმე, ამაზე დიდი სამარცხვინო ჩემთვის არ არსებობს. უკრაინა ვის წარმოადგენს და სად წარმოადგენს, თავის საქმეს თვითონ მიხედავენ, ეგ ჩემი ამოცანა არაა, ჩემი ამოცანაა, მმართველი პარტიის წარმომადგენლობები არ გვარცხვენდეს სხვადასხვა ასპარეზზე,"- განაცხადა ვაშაძემ.

ცნობისათვის, უკრაინის დელეგაცია, გენერალური პროკურორის, ანდრეი კოსტინისა და გენერალური პროკურორის მრჩევლის, ზურაბ ადეიშვილის მონაწილეობით, ევროპის საბჭოს სტუმრობდა, სადაც ევროპის საბჭოს ადამიანის უფლებათა კომისართან, დუნია მიატოვიჩთან შეხვედრაზე ის ერთობლივი ქმედებები განიხილეს, რომლებიც საჭირო აგრესორის დაუსჯელობის დასასრულებლად.

აღნიშნულს ირაკლი კობახიძე გამოეხმაურა და აღნიშნა, რომ ზურაბ ადეიშვილი გასული წლების მანძილზე „მსოფლიოში ერთ-ერთი მახინჯი რეპრესიული მანქანის შემოქმედი იყო“.