საქართველოს საგარეო საქმეთა მინისტრის, ილია დარჩიაშვილის განცხადებით, აფხაზებთან და ოსებთან პირდაპირი დიალოგი აუცილებელია.
შესაბამისი განცხადება დარჩიაშვილმა პარლამენტის პლენარულ სხდომაზე გააკეთა, როდესაც უპასუხა „ევროპელი სოციალისტების“ დეპუტატის, ფრიდონ ინჯიას კითხვას, „მიაჩნია თუ არა, რომ ოკუპირებული ტერიტორიების დაბრუნება აფხაზებთან და სამაჩაბლოსთან პირდაპირი დიალოგის გარეშე შესაძლებელია“.
„კითხვაზე, მიმაჩნია თუ არა, რომ პირდაპირი დიალოგი აუცილებელია, დიახ, გიდასტურებთ და ვთვლი, რომ პირდაპირი დიალოგი აუცილებელია“,- განაცხადა ილია დარჩიაშვილმა.
ცნობისთვის, პარლამენტში „მინისტრის საათის“ ფორმატში საგარეო საქმეთა მინისტრს ილია დარჩიაშვილს უსმენენ.