დღეს ჩვენ წარვადგენთ საკანონმდებლო ცვლილებებს, რომელიც უკავშირდება ანტიკორუფციული ღონისძიებების გაძლიერების საკითხს, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ანტიკორუფციულ საკითხებზე შექმნილო სამუშაო ჯგუფის დაწყებამდე ჟურნალისტებს განუცხადა.

მისი თქმით, სამუშაო ჯგუფმა, რომელიც ევრორეკომენდაციების მე-4 პუნქტს, კერძოდ, ანტიკორუფციულ საკითხებს ეხება, პროცესი სახელმწიფო ინსტიტუტების და სამოქალაქო საზოგადოების ჩართულობით წარმართა. მისივე თქმით, ცვლილებები დღესვე წარედგინება იურიდიულ საკითხთა კომიტეტს.

„ჩვენ მოვისმინეთ პოზიციები, გავუკეთეთ ანალიზი და ამის შედეგად, დღეს ჩვენ წარვადგენთ საკანონმდებლო ცვლილებებს, რომელიც უკავშირდება ანტიკორუფციული ღონისძიებების გაძლიერების საკითხს. დღესვე, სამუშაო ჯგუფის დასრულებისთანავე, ეს ცვლილებები წარედგინება იურიდიულ საკითხთა კომიტეტს, რათა კომიტეტმა თანხმობა მოგვცეს, დაინიცირდეს ეს ცვლილებები კომიტეტის სახელით. ჩვენ როგორც გვქონდა გაწერილი ვადები, ამ ვადების შესაბამისად, 1-ელ დეკემბერს აღნიშნული ცვლილებები განხორციელდება პარლამენტის მიერ", - განაცხადა ოხანაშვილმა.