რუსეთი უკრაინაში საბრძოლველად, სავარაუდოდ, ავღანეთის ეროვნული არმიის კომანდოსის კორპუსის წევრების რეკრუტირებას ახდენს. ამის შესახებ ინფორმაციას Foreign Policy-ი ავრცელებს.

მათივე ცნობით, საუბარია იმ მედესანტე-დივერსანტების რეკრუტირებაზე, რომლებსაც ამერიკის შეერთებული შტატების საზღვაო და ბრიტანეთის შეიარაღებული ძალები წვრთნიდნენ.

Foreign Policy-ის თანახმად, დაახლოებით 20,000-დან 30,000-მდე მოხალისე მედესანტე-დივერსანტი დარჩა, როდესაც შეერთებულმა შტატებმა 2021 წლის აგვისტოში ავღანეთი დატოვა.