თბილისში, აღმაშენებლის ხეივანში მდებარე სასტუმრო „ლუქსში”, სადაც მამაკაცმა სავარაუდოდ, თვითმკვლელობის მიზნით თავის აფეთქება სცადა, საგამოძიებო მოქმედებები უკვე დასრულებულია.

ამ დროისთვის სასტუმრო დალუქულია. დაზიანების კვალი შენობის მხოლოდ იმ ნაწილს ეტყობა, სადაც აფეთქება მოხდა - ჩამსხვრეულია სასტუმროს ნომრის ფანჯრები.

შემთხვევა გუშინ ღამე მოხდა.

არსებული ინფორმაციით, მამაკაცმა სასტუმროს ნომერი დაიქირავა, სადაც, სავარაუდოდ, ხელყუმბარა ააფეთქა.

დაშავებული კლინიკაშია გადაყვანილი.

როგორც “ინტერპრენსიუსს” შინაგან საქმეთა სამინისტროში განუცხადეს, მომხდარზე გამოძიება სსკ-ის 229-ე მუხლით მიმდინარეობს, რაც აფეთქებას გულისხმობს.