ფინანსთა მინისტრი - მთავრობამ ღრმა ანალიზის საფუძველზე მიიღო გადაწყვეტილება, რომ ზამთარი არ არის საუკეთესო პერიოდი, რათა ენერგეტიკულმა ბირჟამ ფუნქციონირება დაიწყოს

ფინანსთა მინისტრი ლაშა ხუციშვილი განმარტავს, რატომ ვერ დაიწყო ფუნქციონირება ენერგეტიკულმა ბირჟამ.

როგორც ფინანსთა მინისტრმა~ მთავრობის სხდომის დასრულებისას აღნიშნა, ღრმა ანალიზის საფუძველზე ქვეყანამ მიიღო გადაწყვეტილება, რომ ზამთარი არ არის საუკეთესო პერიოდი იმისთვის, რომ ბირჟამ ფუნქციონირება დაიწყოს.

„ენერგეტიკული ბირჟის გადავადება მოხდა, თუმცა, ჩვენი სქემა ითვალისწინებს სწორედ იმას, რომ ენერგეტიკული ბირჟა უნდა არსებობდეს, ღია უნდა იყოს, საბაზრო პრინციპებით უნდა ფუნქციონირებდეს. სწორედ ამ ბირჟის პირობებში არის აღნიშნული მხარდაჭერის პროგრამა ვალიდური.

აღნიშნულ გადადებას რამდენჯერმე ჰქონდა ადგილი. ამას თავისი მიზეზები ჰქონდა. იმისთვის, რომ ბირჟამ სწორად დაეწყო ფუნქციონირება, თავიდან ყოფილიყო აცილებული გარკვეული გართულებები, მითუმეტეს, როდესაც ზამთრის სეზონზე ვსაუბრობთ, როდესაც ქვეყანას სჭირდება დამატებითი ელექტროენერგიის იმპორტი, ბუნებრივია, თეორიულად და პრაქტიკაშიც შესაძლებელია წარმოქმნილიყო გარკვეული სირთულეები.

იცით, რა მდგომარეობაა ამ მიმართულებით საერთაშორისო ბაზრებზე. საკმაოდ ღრმა ანალიზის საფუძველზე მიიღო ქვეყანამ გადაწყვეტილება, რომ ზამთრის პერიოდი არ არის საუკეთესო პერიოდი იმისთვის, რომ ბირჟამ დაიწყოს ფუნქციონირება“, - აღნიშნავს ხუციშვილი.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს