გიორგი ვაშაძე - სამოქალაქო სექტორმა სახალხო დამცველობის 3 კანდიდატი დაასახელა, ამ სამის მიღმა, თუ რომელიმე ოპოზიციური პარტია სხვას დაუჭერს მხარს, ის არის "ქართული ოცნების" სატელიტი

"სტრატეგია აღმაშენებლის" ლიდერის გიორგი ვაშაძის განცხადებით, ხელისუფლებას სურს, სახალხო დამცველის შერჩევის პროცესი დააზიანოს და ფარსი შექმნას.

როგორც მან ჟურნალისტებთან აღნიშნა, 3 კანდიდატია სამოქალაქო სექტორის მიერ დასახელებული, რასაც მხარს უჭერს. ვაშაძის თქმით, ამ 3 კანდიდატის გარდა, თუ რომელიმე ოპოზიციური პარტია სხვას დაუჭერს მხარს, "ქართული ოცნების" სატელიტი იქნება.

"ერთ-ერთი კითხვა არის, რატომ შეიქმნა ის ფარსი სახალხო დამცველის შერჩევის პროცესში, რომელიც დღეს გვაქვს. მინდა კიდევ ერთხელ ცალსახად ვთქვა, რომ რასაც ჩვენ ვუყურებთ, ეს არის მათ მიერ შეთითხნილი პროცესი, რომ როგორმე დააზიანონ შერჩევის მექანიზმი, გონება აურიონ საქართველოს მოქალაქეებს და კაცმა ვერ გაიგოს, რა შედეგზე გავიდა. 3 კანდიდატი არის სამოქალაქო სექტორის მიერ დასახელებული, ჩვენ სამივეს მხარს ვუჭერთ. ამ სამიდან თუ რომელიმეს მხარს დაუჭერენ, ის უნდა გავიდეს. ამ სამის მიღმა, თუ რომელიმე ოპოზიციური პარტია სხვას დაუჭერს მხარს, პირდაპირ და ღიად ვაცხადებ, ყოველგვარი მიკიბ-მოკიბვის გარეშე, ის არის "ქართული ოცნების" სატელიტი. მორჩა და დამთავრდა, სხვა ალტერნატივა არ არსებობს", - განაცხადა ვაშაძემ.

შეგახსენებთ, რომ პარლამენტის ადამიანის უფლებათა დაცვის კომიტეტი სახალხო დამცველობის 19 კანდიდატს უსმენს. ამასთან, სამოქალაქო სექტორმა ნაზი ჯანეზაშვილის, ანა აბაშიძის და გიორგი ბურჯანაძის კანდიდატურებს დაუჭირა მხარი.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება