ლევან იოსელიანი - არავინ იცის, რა გადაწყვეტილებას მიიღებს ევროპული კომისია - არ მომწონს ნიჰილიზმის დათესვა, არ მომწონს, როდესაც მოქალაქეებს ეუბნებიან, რომ ამ ქვეყნისგან არაფერი გამოვა

არ მომწონს ნიჰილიზმის დათესვა, არ მომწონს, როდესაც ჩვენს მოქალაქეებს ეუბნებიან, რომ ამ ქვეყნისგან მაინც არაფერი გამოვა, რომ არაფერს აზრი არ აქვს, - ამის შესახებ „მოქალაქეების“ ლიდერმა, ლევან იოსელიანმა განაცხადა, რითაც „სტრატეგია აღმაშენებლის“, „დროასა“ და „გირჩი - მეტი თავისუფლების“ მიერ გავრცელებული განცხადებას გამოეხმაურა.

იოსელიანის თქმით, შეუძლებელია ვინმემ წინასწარ იცოდეს, თუ რა გადაწყვეტილებას მიიღებს ევროპული კომისია და შემდეგ ევროპული საბჭო.

„ყველა ჩვენი ევროპელი პარტნიორი, ვინც საქართველოში შემოდის და ვისაც მე საზღვარგარეთ ვხვდები, ცალსახად გვეუბნება, რომ ყველა უნდა იყოს ჩართული პროცესში, რომელიც უნდა იყოს ინკლუზიური და რომლის შედეგიც უნდა იყოს კანდიდატის სტატუსის მიღება. არავინ იცის, რა იქნება საბოლოო გადაწყვეტილება, რა გადაწყვეტილებას მიიღებს ევროპული კომისია და რა რეკომენდაციას წარუდგენს ის ევროპულ საბჭოს, რომელიც შემდეგ 27 წევრ ქვეყანას მიაწვდის თავის მოსაზრებებს. შეუძლებელია, ვინმემ წინასწარ იცოდეს, რა იქნება მათი გადაწყვეტილება, სულ მცირე იმ მიზეზით, რომ ეს 27 ქვეყნის მიერ მიღებული გადაწყვეტილებაა და არა ცალკეული პოლიტიკოსების, როგორი განწყობაც არ უნდა ჰქონდეთ მათ კონკრეტული პროცესის მიმართ.

არ მომწონს ნიჰილიზმის დათესვა, არ მომწონს, როდესაც ჩვენს მოქალაქეებს ეუბნებიან, რომ ამ ქვეყნისგან მაინც არაფერი გამოვა, რომ არაფერს აზრი არ აქვს. ასეთი დამოკიდებულება კიდევ უფრო მეტ ადამიანს უცრუებს იმედს, რის შედეგადაც ადამიანები თავშესაფრის ძებნას სხვა ქვეყნებში იწყებენ, ამით, რა თქმა უნდა, ისევ ჩვენ ვზარალდებით და ზარალდება დემოკრატია, რომელიც ახალ საფეხურზე უნდა ავიდეს და ეს ახალი საფეხური უნდა იყოს დემოკრატიული წესით ხელისუფლების ცვლილება, ეს კი ძალიან რთული იქნება, თუ აქტიური ადამიანები, ახალგაზრდები ქვეყანას დატოვებენ და დარჩებიან მხოლოდ ბავშვები და პენსიონერები. ამიტომ ყველაფერს აქვს მნიშვნელობა. ოპოზიციას უნდა ჰქონდეს პასუხისმგებლობა, რომ ერთი მხრივ, ჩვენი ევროპელი კოლეგების მთავარ რეკომენდაციას ითვალისწინებდნენ, რომ ერთობლივად ვიმუშაოთ ყველა საკითხზე, და მეორე, არ თესავდეს ქვეყანაში ნიჰილიზმს და უიმედობას“, - განაცხადა ლევან იოსელიანმა.

შეგახსენებთ, პარტიებმა „სტრატეგია აღმაშენებელი“, „დროა“ და „გირჩი - მეტი თავისუფლება“ ევროკომისიის რეკომენდაციების შესრულებასთან დაკავშირებით მიმართვა გაავრცელეს და „ქართულ ოცნებას“ 31 კითხვით მიმართეს. როგორც მათ მიერ გავრცელებულ ინფორმაციაშია ნათქვამი, ბრიუსელში ფიქრობენ, რომ „ქართულ ოცნებაში“ რეკომენდაციის შესრულების პოლიტიკური ნება არ არსებობს. მათივე განცხადებით, დიდი ალბათობით, საქართველო კანდიდატის სტატუსზე უარს მიიღებს. კითხვების დიდი ნაწილი სწორედ ამ საკითხს ეხება.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება