სახდელების დაკისრება ქალაქ თბილისის მუნიციპალიტეტსა და სხვა მუნიციპალიტეტებში ერთნაირი მიდგომის საფუძველზე დარეგულირდება

საქართველოს პარლამენტის გარემოს დაცვისა და ბუნებრივი რესურსების კომიტეტმა „ადმინისტრაციულ სამართალდარღვევათა კოდექსში" ცვლილების შეტანის თაობაზე იმსჯელა. ამის შესახებ ინფორმაციას საქართველოს პარლამენტის პრესსამსახური ავრცელებს.

რეგიონული განვითარებისა და ინფრასტრუქტურის მინისტრის მოადგილე მზია გიორგობიანის განმარტებით, ცვლილების შედეგად კოდექსის შესაბამისი მუხლებით გათვალისწინებული სახდელების დაკისრება ქალაქ თბილისის მუნიციპალიტეტსა და სხვა მუნიციპალიტეტებში, შესაბამისი სოციალურ-ეკონომიკური ასპექტების გათვალისწინებით. ერთნაირი მიდგომის საფუძველზე დარეგულირდება.

ცვლილება ეხება დარღვევებს როგორც სანქციების, ასევე ზოგადად დარეგულირების ნაწილში.

მომხსენებლის თქმით, სახდელების დაკისრების ერთნაირი მიდგომის საფუძველზე ყველა მუნიციპალიტეტი თანაბარ პირობებში ჩადგება, რაც მუნიციპალიტეტებში სოციალურ და ეკონომიკურ ფონს გააუმჯობესებს.

კომიტეტმა კენჭისყრით დაუჭირა მხარი კანონპროექტს.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს