ეს არის პოლიტიკური საქმე და დიახ, ოლიგარქის, ივანიშვილის ინტერესშია, რომ ადამიანი, რომელიც რეჟიმს ამხელს, პირად ტყვეობაში ჰყავდეს. ეს არის პირადი ტყვეობა, - ამის შესახებ „სტრატეგია აღმაშენებლის“ დეპუტატმა, პაატა მანჯგალაძემ „მთავარი არხის“ გენერალური დირექტორის, ნიკა გვარამიას საქმის განაჩენის გამოცხადების შემდეგ განაცხადა.
მისივე თქმით, ნიკა გვარამიას საქმეს სამართალთან და სასამართლოსთან არანაირი სერთო არ აქვს.
„ეს არის 100%-ით პოლიტიკურად შეთითხნილი საქმე. გადაწყვიტეს, რომ მედიამენეჯერი, რომელიც წარმატებით ამხელდა ხელისუფლებას, ჰყავდეთ იზოლაციაში. სწორედ ამიტომ არის ნიკა გვარამია გამოკეტილი“, - განაცხადა მანჯგალაძემ.
შეგახსენებთ, სააპელაციო სასამართლომ ნიკა გვარამია პატიმრობაში დატოვა.