კობა გვენეტაძე ევროკავშირის ელჩს პაველ ჰერჩინსკის შეხვდა

საქართველოს ეროვნული ბანკის პრეზიდენტი კობა გვენეტაძე ევროკავშირის ელჩს, პაველ ჰერჩინსკის შეხვდა.

გაცნობითი ხასიათის შეხვედრაზე საუბარი შეეხო საქართველოსა და ევროკავშირს შორის მჭიდრო თანამშრომლობის მნიშვნელობას და სამომავლო თანამშრომლობის პერსპექტივებს.

მათივე ცნობით, ყურადღება გამახვილდა რეგიონის ეკონომიკურ მდგომარეობასა და საფინანსო სექტორში არსებულ გამოწვევებსა და საფრთხეებზე.

„კობა გვენეტაძემ განაცხადა, რომ ეროვნული ბანკის მიერ პანდემიამდე გატარებული თანმიმდევრული და დროული ზომები ქვეყანას იმ გლობალურ გამოწვევებთან გამკლავებაში დაეხმარა, რომლის წინაშეც დღეს მსოფლიო დგას. მან ასევე აღინიშნა, რომ ეროვნული ბანკი შეუერთდა ფინანსურ სანქციებს რომლებიც აშშ-მ, დიდმა ბრიტანეთმა, ევროკავშირმა და სხვა ქვეყნებმა უკრაინაში განხორციელებული აგრესიული საომარი მოქმედებების გამო რუსეთის ფედერაციას დაუწესეს. ასევე აღინიშნა თვინინგის პროექტის შესახებ, რომელშიც აქტიურად იყო ჩართული პოლონეთის საფინანსო ზედამხედველობის სააგენტო, პოლონეთისა და ლიეტუვას ცენტრალური ბანკებთან ერთად. მათი დახმარებით მომზადდა ცვლილებების საკანონმდებლო პაკეტი, რომელმაც საქართველოს კანონმდებლობა კიდევ უფრო მეტად დააახლოვა ევროკავშირის კანონმდებლობასთან. სწორედ აღნიშნული ურთიერთთანამშრომლობის შედეგად გახდა შესაძლებელი SEPA-ს გეოგრაფიულ სივრცეში საქართველოს ჩართვისთვის განაცხადის შეტანა“, - ნათქვამია ეროვნული ბანკის მიერ გავრცელებულ ინფორმაციაში.

როგორც კობა გვენეტაძე აცხადებს, საქართველოს მომავალი ევროპაშია და SEPA-ს წევრობა ევროპული ოჯახის წევრობასთან კიდევ ერთი ნაბიჯით დაგვაახლოებს.

„წელს ოფიციალური განაცხადი შევიტანეთ ერთიანი ევროს გადახდების სივრცეში (SEPA) გაწევრიანებისთვის, რაც საერთაშორისო არენაზე მნიშვნელოვნად გაზრდის საქართველოს საფინანსო სექტორის სანდოობას, გაიოლდება ევროპის ეკონომიკურ სივრცესთან სავაჭრო ურთიერთობები, საქართველოს მოქალაქეები გამარტივებული და იაფი მომსახურებით ისარგებლებენ, რაც განსაკუთრებით მნიშვნელოვანია, მათ შორის, ევროკავშირის ქვეყნებიდან ფულადი გზავნილების მზარდი ტენდენციის გათვალისწინებით. საქართველოს მომავალი ევროპაშია და SEPA-ს წევრობა კიდევ ერთი ნაბიჯით დაგვაახლოებს ევროპული ოჯახის წევრობასთან", - აღნიშნა კობა გვენეტაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს