გიგი წერეთელი - ზურაბიშვილს თავად უნდა ესმოდეს, რომ შეწყალების ინსტრუმენტი ქვეყნისთვის უნდა გამოიყენოს, მისთვის ამის თხოვნა არაფრის მომტანია

„ევროპული საქართველოს“ პოლიტსაბჭოს თავმჯდომარის, გიგი წერეთლის განცხადებით, პრეზიდენტმა სალომე ზურაბიშვილმა იცის, რომ „მთავარი არხის“ გენერალური დირექტორი ნიკა გვარამია ციხეში არ უნდა იჯდეს, ამიტომ ერთადერთი ქმედითი ინსტრუმენტი, რაც მას გააჩნია, ეს შეწყალების ინსტრუმენტია.

გიგი წერეთელი გამოეხმაურა პოლიტიკოსების მხრიდან სალომე ზურაბიშვილისადმი მიმართვას, რომელიც გვარამიას შეწყალებას ეხება.

„ფორმალური მიმართვა თუ მოთხოვნა, რა თქმა უნდა, ეს პრობლემა არ არის და მე არ ვფიქრობ, რომ ვინმე ამას ხელს არ მოაწერს ან უარს იტყვის, თუკი ეს საჭირო და რამის მომტანია, მაგრამ წინა გამოცდილებიდან გამომდინარე, უმეტეს შემთხვევაში, ეს ასე არ ხდება.

თავად სალომე ზურაბიშვილის, როგორც პრეზიდენტს, არ უნდა სჭირდებოდეს არანაირი დამატებითი მიმართვა, იმიტომ რომ ის თავად უნდა გრძნობდეს, რა ვითარებაა ახლა. მან იცის, რომ გვარამია არ უნდა იყოს ციხეში. ერთადერთი ქმედითი ინსტრუმენტი, რაც მას გააჩნია, ეს არის შეწყალების ინსტრუმენტი.

მას უნდა ესმოდეს ისიც, რომ ამას მას სახლში არავინ გაატანს, ეს უნდა გამოიყენოს პრეზიდენტობისას და ახლა არის ეს მომენტი, როცა მას შეუძლია ასეთი გადაწყვეტილება მიიღოს. არა გვარამიას პერსონალური სიმპათიების გამო, არამედ საჭიროების გამო, რომელიც ქვეყანას აქვს, რათა ეს სირცხვილი და ლაქა არ ჰქონდეს ევროინტეგრაციის ამ ექსტრაორდინალურ მომენტში“, - განაცხადა გიგი წერეთელმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება