ლევან ბეჟაშვილი - სააკაშვილის საკითხის გადაწყვეტის სიმწვავეს არ აქვს იმის ფუფუნება, რომ დროის გაწელვაზე ვიფიქროთ - მნიშვნელოვანია პარტიამ მიიღოს ახალი ლეგიტიმაცია

სააკაშვილის საკითხის გადაწყვეტის სიმწვავეს არ აქვს იმის ფუფუნება, რომ დროის გაწელვაზე ვიფიქროთ - მნიშვნელოვანია პარტიამ მიიღოს ახალი ლეგიტიმაცია, - ამის შესახებ ჟურნალისტებთან ფრაქცია "ნაციონალური მოძრაობის" დეპუტატმა ლევან ბეჟაშვილმა განაცხადა, რითაც გამოეხმაურა მისი თანაგუნდელების აკაკი მინაშვილის და სოფო ჯაფარიძის განცხადებებს, რომ მაშინ, როცა მიხეილ სააკაშვილის მდგომარეობა რთულია, შიდა არჩევნების ჩატარების მოთხოვნა უცნაურია.

ლევან ბეჟაშვილი აცხადებს, რომ პარტიაში, მის მხარდამჭერებსა და პარტნიორებში დეზორიენტაციის პრობლემა დგას. დეპუტატის თქმით, ასეთ დროს ახალი ლეგიტიმაციის მიღება ამომრჩევლისგან კარგი გამოსავალია და რაც უფრო დაჩქარდება ეს, მით უფრო ძლიერი გამოვა პარტია პოლიტიკურ ასპარეზზე.

"ერთიან ნაციონალურ მოძრაობას" და მიხეილ სააკაშვილის საკითხის გადაწყვეტის სიმწვავეს არ აქვს იმის ფუფუნება, რომ დროის გაწელვაზე ვიფიქროთ, მნიშვნელოვანია პარტიამ მიიღოს ახალი ლეგიტიმაცია, რადგან დღეს დეზორიენტირებულია პარტიის ბიუროკრატიაც, "ლიდერშიპიც", აპარატის თანამშრომლებიც, მხარდამჭერებიც და ასევე, ჩვენი პოლიტიკური პარტნიორებიც.

მნიშვნელოვანია, რომ პარტიამ დროზე მოახდინოს კონსოლიდაცია და ეს უნდა მოხდეს ახალი ლეგიტიმაციის მიღებით, შესაბამისად, მიხეილ სააკაშვილის პროცესის გადასაწყვეტად მნიშვნელოვანია, რომ ამ პროცესიდან პარტია კიდევ უფრო ძლიერი გამოვიდეს. ვფიქრობ, რომ პარტიის "ლიდერშიპს", ყველას გვჭირდება ახალი ლეგიტიმაცია ჩვენი მხარდამჭერებისგან, ეს გადაწყვეტს დეზორიენტაციის პრობლემას,"- განაცხადა ბეჟაშვილმა.

"ნაციონალური მოძრაობის“ წევრების ნაწილი შიდაპარტიული არჩევნების ჩატარებას ითხოვს. კერძოდ, პარტიის ერთ-ერთი ლიდერი ირაკლი ნადირაძე და რეგიონული ორგანიზაციების წარმომადგენლები მოითხოვენ, პარტიის პოლიტსაბჭო და სამდივნო ხელახლა დაკომპლექტდეს და ახალი თავმჯდომარე აირჩეს.

აღნიშნულთან დაკავშირებით, კომენტარი გააკეთა "ნაციონალური მოძრაობის" დეპუტატმა დავით კირკიტაძემ, რომელმაც აღნიშნა, რომ ამ საკითხზე პარტიაში მსჯელობა მიმდინარეობდა და მისი ინფორმაციით, შიდა არჩევნების ჩატარების წინააღმდეგი არავინ არის. ნადირაძის ბრიფინგს გამოეხმაურნენ პარტიის წევრები აკაკი მინაშვილი და სოფო ჯაფარიძეც, რომლებიც მიიჩნევენ, რომ მაშინ, როცა მიხეილ სააკაშვილის მდგომარეობა რთულია, შიდა არჩევნების ჩატარების ინიციატივა "ცოტა უცნაურია". მათივე ინფორმაციით, შიდა არჩევნების ჩატარების ინიციატივა ნიკა მელიას ეკუთვნოდა, თუმცა, მისი ჩატარება მიხეილ სააკაშვილის საკითხის გადაწყვეტის შემდეგ განიხილებოდა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს