კახა კალაძე „ნაციონალურ მოძრაობაზე“ - ერთმანეთს დაერივნენ, განუკითხაობაა, არ ვიცი რას ვერ იყოფენ

რას გადაწყვეტს „ნაციონალური მოძრაობა“, მელიას გააგდებს ან არ გააგდებს, დატოვებს თანამდებობაზე, ეს მათი გადასაწყვეტია, - ასე გამოეხმაურა თბილისის მერი, კახა კალაძე „ნაციონალური მოძრაობის“ წევრების ნაწილის მოთხოვნას შიდაპარტიული არჩევნების ჩატარების შესახებ.

როგორც კალაძე ამბობს, ეს „ნაციონალური მოძრაობის“ შიდა თემებია.

„ერთმანეთს დაერივნენ, განუკითხაობაა, არ ვიცი რას ვერ იყოფენ. თუმცა, ეს მათი პარტიის შიდა თემებია და არ მინდა დეტალებში შევიდე. თემაც არ ვიცი და საინტერესოც არ არის. შესაბამისად, თუ რას გადაწყვეტს „ნაციონალური მოძრაობა”, მელიას გააგდებს ან არ გააგდებს, დატოვებს თანამდებობაზე, ეს მათი გადასაწყვეტია“, - განაცხადა კალაძემ.

შეგახსენებთ, რომ „ნაციონალური მოძრაობის“ წევრების ნაწილი შიდაპარტიული არჩევნების ჩატარებას ითხოვს, რაც მოიცავს, პარტიის პოლიტსაბჭოს, სამდივნოს ხელახლა დაკომპლექტებას და ახალი თავმჯდომარის არჩევას.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს