არჩილ თალაკვაძე - „ნაციონალურ მოძრაობას“ და რადიკალურ ოპოზიციას სურდათ რიგგარეშე არჩევნები და მიიღეს რიგგარეშე არჩევნები თავისსავე პარტიაში - „რასაც დასთეს, იმას მოიმკი“

„ნაციონალურ მოძრაობას“ და რადიკალურ ოპოზიციას სურდათ რიგგარეშე არჩევნები და მიიღეს რიგგარეშე არჩევნები ­თავისსავე პარტიაში - „რასაც დასთეს, იმას მოიმკი“, - ამის შესახებ საპარლამენტო უმრავლესობის წევრმა არჩილ თალაკვაძემ „ნაციონალურ მოძრაობაში“ მიმდინარე პროცესებთან დაკავშირებით განაცხადა.

თალაკვაძის თქმით, „ნაციონალური მოძრაობა“ კარგავს იმ სტატუსს, რომელზეც ამბიცია ჰქონდა, რადგან ისინი აღარ არიან მთავარი ოპოზიციური პარტია. მან ოპოზიციურ ელექტორატს მოუწოდა 2024 წლის არჩევნები გამოიყენონ იმისთვის, რათა აირჩიონ არა „ნაციონალური მოძრაობა“, არამედ სხვა პოლიტიკური პარტიები, ვინც უფრო მეტად იქნება ორიენტირებული ქვეყნის ეროვნულ ინტერესებზე.

„მეორე მხარეს არის უფრო მეტი პრობლემები, საქმე ეხება „ნაციონალურ მოძრაობას“ და რადიკალურ ოპოზიციას. ხედავთ, რომ მიმდინარეობს უკვე საბოტაჟი ნიკა მელიას წინააღმდეგ. ნიკა მელია თავის დროზე საბოტაჟს აწარმოებდა სახელმწიფოსა და პარლამენტის წინააღმდეგ, ასე რომ, „რასაც დასთეს, იმას მოიმკი“.

რაც მათ სურდათ საქართველოსა და თავისი ხალხისთვის, მიიღეს თვითონ საკუთარ პარტიაში. ფაქტი არის, რომ „ნაციონალური მოძრაობა“ კარგავს იმ სტატუსს, რომელზეც მათ ჰქონდათ ამბიცია, ისინი აღარ არიან მთავარი ოპოზიციური პარტია, არც მომავლის პარტია არიან, არ ჰყავთ მომავლის ლიდერები და არ აქვთ სამომავლო გეგმა.

იმედი მაქვს, რომ მოქალაქეები ამას ადეკვატურად შეაფასებენ, ოპოზიციური ელექტორატი 2024 წელს გამოიყენებენ შანსს და აირჩევს არა „ნაციონალურ მოძრაობას“, არამედ სხვა პოლიტიკურ პარტიებს, ვინც კიდევ უფრო მეტად იქნება ორიენტირებული ქვეყნის ეროვნულ ინტერესებზე. ვხედავთ, რომ მიმდინარეობს შიგნით კეზერაშვილის გაყოფა- გადანაწილების პროცესი, კეზერაშვილი ნიშნავს „შავ ფულს“ პარტიული დაფინანსებისთვის, ნიშნავს ტელევიზიებს და ეს არის შანტაჟის მთავარი ინსტრუმენტები „ნაციონალური მოძრაობისთვის“ როგორც შიგნით, ისე გარეთ. გახსოვთ, რომ ასე აშანტაჟებდნენ დანარჩენ ოპოზიციასაც, როდესაც ბოიკოტი იყო პარლამენტის წინააღმდეგ. კეზერაშვილი, მისი „შავი ფული“, სატელევიზიო გავლენები დარჩება იმას, ვინც არის უფრო უტიფარი, უფრო მეტად თავზეხელაღებული, უფრო მეტად უპრინციპო და უფრო მეტად მყვირალა. ველით, რომ ასეთი კანდიდატი იქნება შერჩეული მელიას ნაცვლად. ფაქტია, რომ ეს პარტია არის დესტრუქციული“,- განაცხადა თალაკვაძემ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება