„არასრულწლოვანთა რეფერირების ცენტრი“ ბენეფიციარებს ანიმაციის შექმნას შეასწავლის. ამის შესახებ ინფორმაციას დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო ავრცელებს.
სააგენტოს ცნობით, სწავლების პროცესს რეჟისორი არჩილ კუხიანიძე გაუძღვება.
„ბენეფიციარები ანიმაციური სურათისთვის სიუჟეტს პედაგოგთან ერთად მოიფიქრებენ. დახატავენ პერსონაჟებს, მოამზადებენ კადრირებას და შექმნიან ანიმაციას.
პროექტის ფარგლებში მონაწილეები უნარებისა და სურვილის შესაბამისად მიიღებენ დავალებებს და ანიმაციის რეჟისორის დახმარებით შეასრულებენ.
პროცესის დასრულების შემდეგ კი ანიმაციის პრეზენტაცია გაიმართება“, - ნათქვამია ინფორმაციაში.