შალვა პაპუაშვილი - კორეა მხარს უჭერს საქართველოს ტერიტორიულ მთლიანობას და სუვერენიტეტს -  მნიშვნელოვანია, ეს მხარდაჭერა გამოხატული იყოს გაერო-ს რეზოლუციების აქტიური მხარდაჭერით

ჩვენთვის მნიშვნელოვანია, რომ მოხდეს საქართველოს ტერიტორიული მთლიანობის და განსაკუთრებით, გაერო-ში იძულებით გადაადგილებულ პირებთან დაკავშირებული რეზოლუციების მხარდაჭერა. კორეა მხარს უჭერს საქართველოს ტერიტორიულ მთლიანობას და სუვერენიტეტს, ამიტომ მნიშვნელოვანია, ეს მხარდაჭერა გამოხატული იყოს გაერო-ს რეზოლუციების აქტიური მხარდაჭერით", - ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა, რომელიც დელეგაციასთან ერთად კორეაში სამუშაო ვიზიტით იმყოფება.

პარლამენტის თავმჯდომარემ კორეის რესპუბლიკის ეროვნული ასამბლეის სპიკერთან გამართული შეხვედრა შეაფასა. შალვა პაპუაშვილის განცხადებით, კიმ ჯინ ფიოსთან შეხვედრაზე საუბარი საპარლამენტო თანამშრომლობას და ქვეყნებს შორის ურთიერთობების გაძლიერებას შეეხო.

„კორეის მხრიდან საქართველოს პარლამენტს აქვს თანამშრომლობისა და დახმარების დიდი გამოცდილება. ჩემი კოლეგა საქართველოში მოვიწვიე ვიზიტად და მომავალ წელს ეს ვიზიტიც შედგება. ვისაუბრეთ ქვეყნებს შორის ურთიერთობების გაძლიერებაზე. საუბარი იყო სურვილზე, რომ რაც შეიძლება მალე მოხდეს თავისუფალი ვაჭრობის შეთანხმების დადება საქართველოსა და კორეას შორის, რაც ხელს შეუწყობს სავაჭრო ურთიერთობის გაძლიერებას. გარდა ამისა, საქართველოს მსგავსად, კორეასაც გეოპოლიტიკურად აქვს გარკვეულწილად ლოჯისტიკური ჰაბის ფუნქცია და ამ მხრივ, ჩვენთვის მნიშვნელოვანია გამოცდილების გაზიარება საერთაშორისო გადაზიდვების ლოჯისტიკის საკითხებში", -განაცხადა შალვა პაპუაშვილმა.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს