მამუკა მდინარაძე - იაპონიიდან და კორეის რესპუბლიკიდან კონკრეტული შედეგებით მივდივართ ჩვენს ქვეყანაში

იაპონიასა და კორეის რესპუბლიკაში ჩვენ შევხვდით საკანონმდებლო და აღმასრულებელი ხელისუფლების წარმომადგენლებს. მათი მხრიდან იყო მკაფიო გზავნილები და კონკრეტული შედეგებით მივდივართ ჩვენს ქვეყანაში, - ამის შესახებ ფრაქცია "ქართული ოცნების" თავმჯდომარემ, მამუკა მდინარაძემ საპარლამენტო დელეგაციის იაპონიასა და კორეის რესპუბლიკაში სამუშაო ვიზიტის შეფასებისას განაცხადა.

მისი თქმით, შეხვედრები გაიმართა, ასევე, ბიზნესსექტორის წარმომადგენლებთან, რომლებმაც აღნიშნეს, რომ საქართველოს მშვიდობიანი განვითარება ქმნის ძალიან კარგ საინვესტიციო გარემოს, რაც, თავისთავად, ჩვენი ქვეყნისთვის შესაძლებლობაა.

„კონკრეტული შედეგები მიგვაქვს, რაც არის - დეოკუპაციის პოლიტიკის კიდევ უფრო მეტი მხარდაჭერა. იცით, რომ რეზოლუციებზე იყო საუბარი და ვთხოვეთ კორეელ კოლეგებს, რომ უფრო მკაფიო და პირდაპირი იყოს მათი მხარდაჭერა და ამის დაპირება მივიღეთ. ასევე, დაიწყოს თავისუფალი ვაჭრობის შეთანხმება ამ ქვეყანასთან, რადგან მიზნობრივი კვლევები ჩატარებულია და კონკრეტული პოზიტიური შედეგებია ამასთან დაკავშირებით. პარლამენტის თავმჯდომარის მოწვევით იგეგმება კორეის ეროვნული ასამბლეის ხელმძღვანელის ვიზიტი საქართველოში. ასევე, იგეგმება პირდაპირი ფრენების დანიშვნა საქართველოსა და კორეას შორის. საუბარი შედგა საქართველოში საელჩოს გახსნაზეც, დღეს მხოლოდ კორეის წარმომადგენლობაა საქართველოში. ჩვენ ვისაუბრეთ იმ გეგმაზე, რომლის შედეგიც უნდა იყოს, უახლოეს მომავალში, კორეის რესპუბლიკის საელჩოს გახსნა საქართველოში", - აღნიშნა მამუკა მდინარაძემ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს