შოკირებული ვარ პოლონეთის ტერიტორიაზე რაკეტის ან სხვა საბრძოლო მასალის მიერ ადამიანების მკვლელობის შესახებ ცნობებით, - ამის შესახებ ევროპული საბჭოს პრეზიდენტი შარლ მიშელი Twitter-ის პირად გვერდზე წერს.

„ვუსამძიმრებ ოჯახებს. ჩვენ ვდგავართ პოლონეთის გვერდით. კონტაქტი მაქვს პოლონეთის ხელისუფლებასთან, ევროკავშირის საბჭოს წევრებთან და სხვა მოკავშირეებთან”, - წერს მიშელი.

ცნობისთვის, მედია ავრცელებს ინფორმაციას, რომ ორი რუსული რაკეტა პოლონეთის სოფელ ფშევოდუვში ჩამოვარდა, რომელიც უკრაინის საზღვართან ახლოს მდებარეობს, რამაც ორი ადამიანის სიცოცხლე იმსხვერპლა.