ეუთო/ოდირისა და ვენეციის კომისიის წარმომადგენლები საარჩევნო კოდექსთან დაკავშირებით პარლამენტში დილიდან შეხვედრებს მართავენ

ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) და ვენეციის კომისიის წარმომადგენლები საარჩევნო კოდექსთან დაკავშირებით პარლამენტში დილიდან შეხვედრებს მართავენ.

ოდირისა და ვენეციის კომისიის წარმომადგენლები უკვე შეხვდნენ „ლელოს“ და „მოქალაქეების“ დეპუტატებს და საარჩევნო საკითხებზე მათი პოზიციები მოისმინეს.

როგორც „ლელოში“ აცხადებენ, „ქართული ოცნების“ მიერ მომზადებული ცვლილებები უნდა გაფართოვდეს და დაემატოს ის საკითხები, რაც ეუთო/ოდირის და ვენეციის კომისიის დასკვნებში რეკომენდაციების სახით არის მოცემული და მოიცავს ადმინისტრაციის დაკომპლექტებაში ცვლილებებს, ასევე ხმის მიცემის პროცესში მნიშვნელოვანი გარანტიების დანერგვას. როგორც ანა ნაცვლიშვილმა განაცხადა, მათ მზად აქვთ პროექტი, რომელშიც ეს საკითხებია ასახული და აუცილებელია ორი დოკუმენტის შეჯერება მოხდეს. მისივე თქმით, პრობლემაა ასევე ის, რომ ელექტრონული არჩევნები სრულად ელექტრონულად უნდა ჩატარდეს და არა დასახლებების 70 პროცენტში.

მოქალაქეების დეპუტატის, ალეკო ელისაშვილის თქმით კი, ოდირის და ვენეციის კომისიის წარმომადგენლებს კონკრეტული კითხვები ჰქონდათ, როგორც წინსვლის, ასევე ხარვეზების მიმართულებით. მისივე თქმით, მათ აინტერესებდათ, ხომ არ იწვევს პრობლემას საარჩევნო უბნების შემცირება, ასევე საუბარი იყო ელექტრონულ არჩევნებზე, რომელიც „მოქალაქეებმა“ წინსვლად შეაფასეს. რაც შეეხება ხარვეზებს, ელისაშვილის თქმით, პრობლემად რჩება საოლქო- საარჩევნო კომისიებში პროფესიული ნიშნით არჩეული წევრების საკითხი, რომლებიც სინამდვილეში მმართველი პარტიის მხარდამჭერები იყვნენ და იქნებიან.

ვენეციის კომისიის და ოდირის წარმომადგენლები დღესვე შეხვედრას გამართავენ პარლამენტის თავმჯდომარესთან.

შეგახსენებთ, ვენეციის კომისიის და ოდირის წარმომადგენლები პარლამენტში გუშინ „ნაციონალური მოძრაობა- გაერთიანებული ოპოზიცია - ძალა ერთობაშიას“, „რეფორმების ჯგუფს“, პარტია „საქართველოსთვის“ წევრ დამოუკიდებელ დეპუტატებს, „გირჩის“ და „ევროპელი სოციალისტების“ წარმომადგენლებს შეხვდნენ. გუშინვე მათ შეხვედრა ჰქონდათ ასევე საარჩევნო კოდექსის გადასინჯვის სამუშაო ჯგუფის ხელმძღვანელ, საპარლამენტო უმრავლესობის წევრ, გივი მიქანაძესთან.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ