პარლამენტი დღეს 2023 წლის სახელმწიფო ბიუჯეტის პროექტს განიხილავს

პარლამენტი დღეს, 17 ნოემბრის პლენარულ სხდომაზე 2023 წლის სახელმწიფო ბიუჯეტის პროექტს განიხილავს. ფინანსურ დოკუმენტს სესიაზე ფინანსთა მინისტრი ლაშა ხუციშვილი წარადგენს.

აღსანიშნავია, რომ 2023 წლის სახელმწიფო ბიუჯეტის პროექტის ე.წ. გადამუშავებული ვერსია პარლამენტს მთავრობისგან პირვანდელი სახით - ცვლილებების გარეშე დაუბრუნდა.

საბიუჯეტო პროექტი მიხედვით, რეალური ეკონომიკური ზრდა დაგეგმილია 5%-ის ფარგლებში. ნომინალში მშპ 79.6 მილიარდ ლარს მიაღწევს.

2023 წლის ბოლოსთვის საქართველოს მთავრობის ვალის ზღვრული მოცულობა − მთლიანი შიდა პროდუქტის 38.8%-ით იგეგმება.

მთავრობა მომავალ წელს 21 მილიარდ 154 მლნ ლარის დახარჯვას გეგმავს.

“საჯარო სექტორში დასაქმებულთა ხელფასები 10%-მდე გაიზრდება, ხოლო პოლიციელების და ჯარისკაცების ხელფასების მომატება გათვალისწინებულია 20%-ით. იზრდება პენსიები - 70 წლის და მეტი ასაკის პენსიონერთა პენსია მოიმატებს 65 ლარით, 365 ლარამდე. ამავე კატეგორიის პენსიონერთა პენსია მაღალმთიან დასახლებებში თითქმის 440 ლარს გაუტოლდება. 70 წლამდე პირთა პენსია იზრდება 35 ლარით, 295 ლარამდე, ხოლო მაღალმთიან დასახლებებში თითქმის 355 ლარს გაუტოლდება. ამ კუთხით მატებაა სახელმწიფო ბიუჯეტში 2023 წელს 494 მილიონი ლარი, რაც პენსიების ყველაზე დიდ ზრდას წარმოადგენს. შედეგად, ამ მიმართულებით გასაწევი ხარჯები 3.4 მილიარდ ლარს ანუ სახელმწიფო ბიუჯეტის 16%-ია“, - აღინიშნა პარლამენტის საფინანსო-საბიუჯეტო კომიტეტის სხდომაზე, ბიუჯეტის პროექტის განხილვისას.

ამასთან, კომიტეტის თავმჯდომარის ირაკლი კოვზანაძის განცხადებით, მათი მოთხოვნაა ბიუჯეტის დეფიციტის კიდევ უფრო შემცირება, რაც ინფლაციაზე მნიშვნელოვან გავლენას მოახდენს.

“ბოლო ორი წელია საქართველოში ორნიშნა ინფლაცია გვაქვს, რაც განსაკუთრებით მტკივნეულია მოსახლეობისთვის. მომავალი წლის ბიუჯეტში ჩადებულია 2.8%-იანი დეფიციტი და კარგი იქნება თუ ეს მაჩვენებელი კიდევ შემცირდება“, - აცხადებს ირაკლი კოვზანაძე.

სასესიო განხილვის შემდეგ ბიუჯეტის პროექტი პარლამენტს კიდევ ერთხელ დაუბრუნდება უკან.

სახელმწიფო ბიუჯეტის პროექტს არაუგვიანეს დეკემბრის მესამე პარასკევისა კენჭი ეყრება.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი