ნიკა მელია - EPP-ის რეზოლუცია ამბობს, რომ ქვეყანაში არსებული პოლიტპატიმრების პირობებში გაჭირდება სრულფასოვანი წევრობა ევროპულ ოჯახში - შავით თეთრზე საუბარია, რომ ივანიშვილი უნდა დაექვემდებაროს დასავლურ სანქციებს

ეს არის მორიგი რეზოლუცია, სადაც შავით თეთრზე საუბარია, რომ ოლიგარქი, არაფორმალური მმართველი ივანიშვილის სახით, უნდა დაექვემდებაროს დასავლურ სანქციებს, - ასე ეხმაურება „ნაციონალური მოძრაობის“ თავმჯდომარე ნიკა მელია „ევროპის სახალხო პარტიის“ მიერ მიღებულ ახალ რეზოლუციას.

ნიკა მელიას თქმით, „ევროპის სახალხო პარტიის“ რეზოლუცია ამბობს, რომ ქვეყანაში არსებული პოლიტპატიმრების პირობებში გაჭირდება ქვეყნის სრულფასოვანი წევრობა ევროპულ ოჯახში.

„ძალიან მნიშვნელოვანი რეზოლუცია იქნა მიღებული ხმათა უმრავლესობით „ევროპის სახალხო პარტიის" პოლიტიკურ ასამბლეაზე. ეს რეზოლუცია მნიშვნელოვანია საქართველოს ევროინტეგრაციისთვის, მნიშვნელოვანია იმ პრობლემების კიდევ ერთხელ წარმოჩენისთვის, რომელიც სამწუხაროდ ქვეყანაში არსებობს.

ეს რეზოლუცია ამბობს, რომ ქვეყანაში არსებული პოლიტპატიმრების პირობებში გაჭირდება ქვეყნის სრულფასოვანი წევრობა ევროპულ ოჯახში. ეს არის მორიგი რეზოლუცია, სადაც შავით თეთრზე საუბარია, რომ ოლიგარქი, არაფორმალური მმართველი ივანიშვილის სახით უნდა დაექვემდებაროს დასავლურ სანქციებს.

უკონტროლო რეჟიმის სულის ჩამდგმელი არის რუსი ოლიგარქი ივანიშვილი. ვიმედოვნებ, რომ წარმოუდგენელი დასავლური ზეწოლა მოვა თანხვედრაში ქართული საზოგადოების ზეწოლასთან და ივანიშვილი აუცილებლად დამარცხდება, რათა ქვეყანამ დაიმკვიდროს თავისი ადგილი ევროპულ ოჯახში”, - აცხადებს ნიკა მელია.

ინფორმაციისთვის, „ევროპის სახალხო პარტია“ ევროკავშირსა და პარტნიორებს ბიძინა ივანიშვილის დასანქცირებისკენ, საქართველოს მთავრობას კი მიხეილ სააკაშვილისა და ნიკა გვარამიას გათავისუფლებისკენ მოუწოდებს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ