გიორგი ვაშაძე - დეოლიგარქიზაციის კანონპროექტი, რომელსაც „ქართული ოცნება" იღებს, არის პირდაპირი ნაბიჯი იმისთვის, რომ არ მივიღოთ კანდიდატის სტატუსი

დეოლიგარქიზაციის კანონპროექტი, რომელსაც "ქართული ოცნება" იღებს, არის პირდაპირი ნაბიჯი იმისთვის, რომ არ მივიღოთ კანდიდატის სტატუსი, სპეციალურად იღებენ ამ კანონს, რომ უარი გვითხრან სტატუსზე,- ამის შესახებ ჟურნალისტებთან "სტრატეგია აღმაშენებლის" ლიდერმა გიორგი ვაშაძემ განაცხადა.

რაც შეეხება "ნაციონალური მოძრაობის" პროექტს, როგორც ვაშაძე აღნიშნავს, ოპოზიციური შეთანხმება იყო, რომ პროექტს არ დააინიცირებდნენ, ამიტომ სურს "ნაციონალური მოძრაობისგან" არგუმენტები მოისმინოს, რომ პოზიციას გადახედოს.

"არ გავცნობივარ პროექტს, შინაარსს დეტალურად არ ვიცნობ, რაც საჯარო სივრციდან გავიგე, დაახლოებით იმ ფორმაზე და მოდელზეა საუბარი, რაც ოპოზიციურ ფორმატში გვქონდა განხილული, თუმცა, მაშინ შევთანხმდით, რომ არ ვარეგისტრირებთ კანონპროექტს, ამიტომ ლევანისგან (ბეჟაშვილი) და "ნაციონალური მოძრაობის" მხრიდან მჭირდება მოვისმინო მეტი არგუმენტაცია, რომ ჩვენ პოზიციას გადავხედოთ, რადგან შეგახსენებთ, 12 პუნქტთან მიმართებით ჩვენ გვაქვს სამოქალაქო სექტორთან შეთანხმებული პოზიცია, რაც მიიჩნევა დღეს ყველაზე მაღალი კონსენსუსის დოკუმენტად.

ზოგადად, დეოლიგარქიზაციის კანონი, რომელიც "ქართულმა ოცნებამ" დააინიცირა და დაჩქარებულად იღებს, არ შეესაბამება ევროპულ სტანდარტებს, სწორედ ამიტომ არ აგზავნიან ვენეციის კომისიაში დასკვნისთვის და ესაა არათუ იმისთვის, რომ მივიღოთ სტატუსი, არამედ ეს არის პირდაპირი ნაბიჯი იმისთვის, რომ არ მივიღოთ კანდიდატის სტატუსი, სპეციალურად ხდება ამ კანონის მიღება, რომ უარი გვითხრან კანდიდატის სტატუსზე,"- განაცხადა ვაშაძემ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება