თაკო ჩარკვიანი - არავინ იცის ნიკა მელია რას აკეთებს, გარდა იმისა, რომ მის ხელში პარტიის რეიტინგი განახევრდა, ის უნდა გადადგეს - 600 000-იან პარტიას საკუთარი ლიდერი ციხეში უკვდება

არავინ იცის ნიკა მელია რას აკეთებს, გარდა იმისა, რომ მის ხელში პარტიის რეიტინგი განახევრდა - 600 000-იან პარტიას ლიდერი ციხეში უკვდება. ხალხი როგორღა უნდა გენდოს შენ, თუ შენს ლიდერს ვერ პატრონობ?! - ამის შესახებ პარტია „კანონი და სამართლის“ თავმჯდომარემ, თაკო ჩარკვიანმა პარლამენტთან განაცხადა, სადაც ქვეყნის ყოფილი პრეზიდენტის, მიხეილ სააკაშვილის გათავისუფლების მოთხოვნით აქცია მიმდინარეობს.

მისივე თქმით, "ნაციონალური მოძრაობა" ლაპარაკის მეტს არაფერს აკეთებს და ენმ-ს ის თავმჯდომარე, რომლის ხელშიც, პარტიის რეიტინგი განახევრდა, უნდა გადადგეს.

"ერთხელ თქვეს, რას არ აკეთებს ნიკა მელიაო? აბა რას აკეთებს, მოდით ის ჩამოვთვალოთ. არავინ იცის, რას აკეთებს, გარდა იმისა, რომ მის ხელში რეიტინგი განახევრდა და კიდევ უფრო ნაკლებია. პარტიის ხელმძღვანელი, რომლის ხელშიც დასავლური ვექტორის პარტიის რეიტინგი განახევრდება, უნდა გადადგეს. ვინ უნდა მოვიდეს თავმჯდომარედ, მე ეს ნამდვილად არ ვიცი. 600 000-იან პარტიამ ვიღაც ერთი პატრიოტი, გონიერი, ინტელექტუალური ადამიანი ამოარჩიოს, რა ვიცი, არ შეუძლიათ?" - განაცხადა ჩარკვიანმა.

როგორც ჩარკვიანი აღნიშნავს, მიხეილ სააკაშვილი საზღვარგარეთ სამკურნალოდ უნდა გადაიყვანონ.

"მე რა გზასაც ვადგავარ იმ გზას გავაგრძელებ და არაფრით არ ვუღალატებ პრეზიდენტს. მისი პარტია ლაპარაკის მეტს არაფერს აკეთებს. 600 000-იან პარტიას თავისი ლიდერი ციხეში უკვდება და ხალხი როგორღა უნდა გენდოს შენ თუ შენს ლიდერს ვერ პატრონობ? როგორ უნდა ენდოს მათ ამომრჩეველი? " - განაცხადა ჩარკვიანმა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს