კახა კალაძის განცხადებით, დასავლეთის მიმართულებით მაგისტრალზე ელექტროდამტენების განთავსების შესახებ პროექტი განხორციელდება, რაც „ძალიან მნიშვნელოვანია“

დედაქალაქის მერის კახა კალაძის განცხადებით, დასავლეთის მიმართულებით მაგისტრალზე ელექტროდამტენების განთავსების შესახებ დაგეგმილი პროექტი განხორციელდება, რაც „ძალიან მნიშვნელოვანია“.

ამასთან, როგორც კალაძემ ჟურნალისტებს განუცხადა, ელექტროდამტენების განთავსება თბილისში უკვე დაწყებულია და დედაქალაქში ამ დროისთვის 60-მდე ასეთი დამტენია დაყენებული.

„ელექტროდამტენების პროექტი იქნება განხორციელებული. ძალიან მნიშვნელოვანია ამის გაკეთება. თბილისში 60-მდე ელექტროდამტენი უკვე დაყენებულია, სადაც ელექტრომობილების დატენა უფასოა, რათა წავახალისოთ ქვეყანაში ელექტომობილების ქონა. პრობლემაა და ისმებოდა კითხვა იმის შესახებ, რომ თუ გვინდა, მაგალითად, დასავლეთის მიმართულებით წასვლა, მაშინ რას ვაკეთებთ. შესაბამისად, მივიღეთ აღნიშნული პროექტის განხორციელების გადაწყვეტილება“,- განაცხადა კახა კალაძემ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს