ვიცი, რომ პრეზიდენტ სააკაშვილს სურვილი აქვს, სასამართლო პროცესს დაესწროს, თუმცა არ ვიცი, შეძლებს თუ არა დასწრებას, - ამის შესახებ საქართველოს მესამე პრეზიდენტის ადვოკატმა, შოთა თუთბერიძემ განაცხადა.
მისივე თქმით, სამედიცინო დაწესებულებას არ აქვს უფლება, პირს პროცესში მონაწილეობის მიღების უფლება შეუზღუდოს.
"ჯერჯერობით ჩემთვის ცნობა არ არის ხელმისაწვდომი და პენიტენციური სამსახურის პოზიციას არ ვიცნობ. ეს ცნობილი ხდება ხოლმე დაცვის მხარისთვის უშუალოდ სასამართლო სხდომაზე, როცა პენიტენციური სამსახურის მიერ ოქმის მოწოდება ხდება, ამიტომ მათ პოზიციაზე კომენტარს ამ ეტაპზე ვერ გავაკეთებ, თუმცა ვიცი, რომ მესამე პრეზიდენტს პროცესში მონაწილეობის მიღება სურს.
სამკურნალო დაწესებულებას არ აქვს უფლება, მხარეს, რომელიც პროცესში მონაწილეობს, პროცესში მონაწილეობის მიღება შეუზღუდოს. ეს არის ცალსახა. არავითარი ბერკეტი და მექანიზმი ამისა სამკურნალო დაწესებულებას არ გააჩნია," - განაცხადა ადვოკატმა.