ჩვენ ვიწყებთ მასშტაბურ პროექტს, ეს არის დევნილების ბინების მშენებლობა - 7000 ბინაზე არის გათვლილი საცხოვრებელი ბინების მშენებლობა, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.
პრემიერის თქმით, წელსვე ამ მიზნით 50 მილიონ ლარზე მეტი გამოიყოფა.
„ჩვენ ვიწყებთ მასშტაბურ პროექტს, ეს არის დევნილების ბინების მშენებლობა. 7000 ბინაზე არის გათვლილი საცხოვრებელი ბინების მშენებლობა და წელსვე ჩვენ ამ მიზნით გამოვყოფთ 50 მილიონ ლარზე მეტს“, - განაცხადა პრემიერმა.
ამასთან, ღარიბაშვილმა განაცხადა, რომ მთავრობის დღევანდელ სხდომაზე ასევე განიხილავენ მოქალაქეებისთვის ბინების დაკანონების საკითხს. "85 ოჯახს გადაეცემა ბინა საკუთრებაში, რაც მანამდე არ იყო გადაცემული მათთვის", - აღნიშნა პრემიერმა.