ნინო ლომჯარია - ექიმებმა დამიდასტურეს, რომ მიხეილ სააკაშვილი ოქტომბრიდან სულ წევს, მოტორიკა შენელებული აქვს, ხელის მოძრაობა უჭირს და ფეხზე ვერ დადის

მიხეილ სააკაშვილის მდგომარეობა რომ გაუარესებულია, ვიზუალურად ეტყობა. - შეიძლება ითქვას, ოქტომბრიდან მუდმივად წევს, მოტორიკა შენელებული აქვს, ხელის მოძრაობა უჭირს, ფეხზე არ დადის და სულ წევს, - ამის შესახებ საქართველოს სახალხო დამცველმა ნინო ლომჯარიამ კლინიკა „ვივამედში“, საქართველოს მესამე პრეზიდენტის მიხეილ სააკაშვილის მონახულების შემდეგ განაცხადა.

მისივე თქმით, მესამე პრეზიდენტის სურვილია დღევანდელ სასამართლო პროცესს საქალაქო სასამართლოში დაესწროს, მაგრამ მისთვის გაუგებარია, ჯანმრთელობის გაუარესების ფონზე ის ამას როგორ შეძლებს.

„პირადად მიხეილ სააკაშვილს 10 წუთის განმავლობაში ვესაუბრე, მას უჭირს საუბარი. შარშანდელთან შედარებით ვიზუალურად განსხვავებული იყო. მიხეილ სააკაშვილის მდგომარეობა რომ გაუარესებულია ვიზუალურად ეტყობა. წონა მკვეთრად დაკარგული აქვს. როგორც ექიმებმა დამიდასტურეს, სულ წევს, ფეხზე არ დგება და არ ჯდება. ასევე, ცუდად იკვებება და ცოტას ჭამს. ჯანმრთელობის მდგომარეობის უკუსვლა ოქტომბრიდან აქვს. ექიმები იხსენებენ შემთხვევას, როცა მასთან პროკურორი და მოსამართლე შევიდა, ამის შემდეგ ემოციურ ფონზე ვითარება დამძიმდა.

ნევროლოგსაც ბოლო დასკვნა გაკეთებული აქვს. ის საუბრობს ნევროლოგიური მდგომარეობის გაუარესებაზე. მკურნალ ექიმს ვესაუბრე და როგორც ამიწერეს, მდგომარეობა ოქტომბრიდან გართულდა. მანამდე სტაბილურად იყო, მეტ-ნაკლებად დადიოდა და კვებაც მეტ-ნაკლებად მოწესრიგებული ჰქონდა. შეიძლება ითქვას, ოქტომბრიდან მუდმივად წევს, მოტორიკა შენელებული აქვს, ხელის მოძრაობა უჭირს, ფეხზე არ დადის და სულ წევს. „ვივამედის“ ექმები ამბობენ, რომ არ არის ჯანმრთელი და ასევე, ბოლო თვენახევრის განმავლობაში მდგომარეობა გართულებულია.

მას თვითონ აქვს სურვილი სხდომას დაესწროს. მე არ ვიცი, ეს როგორ უნდა შეძლოს, მას ეს გაუჭირდება. კლინიკას შეუძლია გასცეს რეკომენდაცია და თავისი პოზიცია დააფიქსიროს, მაგრამ კლინიკა მას ვერ შეაჩერებს. კლინიკა „ვივამედის“ ექიმების მიმართ მას პრეტენზიები არ აქვს“, - განაცხადა ლომჯარიამ.

სახალხო დამცველის თქმით, სასამართლოში შუამდგომლობის დაყენება ექსპერტიზის დასკვნაზე იქნება დამოკიდებული.

„ექსპერტიზის დასკვნა იქნება მრავალმხრივი, ჩვენც დასკვნიდან გამომდინარე რეკომენდაცია გვექნება. მიხეილ სააკაშვილის მდგომარეობა საერთო ჯამში მკვეთრად გაუარესებულია. თუნდაც ის, რომ 40 დღის შიმშილობის შემდგომ ის ფეხზე იდგა და დღეს კომუნიკაციაც კი უჭირს“, - განაცხადა ლომჯარიამ.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს