არჩილ თალაკვაძე - ვინმეს სურვილი ჰქონდეს სააკაშვილი არ ნახონ, სპეკულაციაა - დამაზიანებელია, როცა მისი ჯანმრთელობის მდგომარეობის გამოყენება ხდება მისი თანაგუნდელების მხრიდან პოლიტიკური მიზნებისთვის

დამაზიანებელია, როცა სააკაშვილის ჯანმრთელობის მდგომარეობის გამოყენება მისი თანაგუნდელების მხრიდან პოლიტიკური მიზნებისთვის ხდება , - ამის შესახებ ჟურნალისტებთან საქართველოს პარლამენტის ვიცე - სპიკერმა არჩილ თალაკვაძემ განაცხადა.

თალაკვაძე გამოეხმაურა ოპონენტების ბრალდებებს, რომ ხელისუფლებას არ სურს საზოგადოებამ იხილოს, რეალურად, რა მდგომარეობაშია მიხეილ სააკაშვილი და აღნიშნა, რომ ეს სპეკულაციაა.

მისივე თქმით, დღემდე არავის უთქვამს, რა დიაგნოზები აქვს სააკაშვილს, რომლის მკურნალობაც ვერ ხერხდება.

ამასთან, როგორც თალაკვაძე აცხადებს, უცნობია, რამდენად ასრულებს სააკაშვილი ექიმების რეკომენდაციებს.

"არ შეიძლება ამას სპეკულაციები მოჰყვეს. ძალიან ბევრი მნახველი ჰყავს სააკაშვილს და ვინმეს სურვილი ჰქონდეს, რომ ის არ ნახონ, ეს არის უბრალოდ არასწორი განცხადება და სპეკულაცია.

რაც შეეხება მისი ჯანმრთელობის მდგომარეობას, ეს განეკუთვნება ცალსახად ექიმების და ჯანდაცვის სფეროს კომპეტენციას და ვფიქრობ, მხოლოდ დამაზიანებელია, როცა მისი ჯანმრთელობის მდგომარეობის გამოყენება ხდება მისი თანაგუნდელების მხრიდან პოლიტიკური მიზნებისთვის. რაც უფრო მეტად ხდება პოლიტიზება მისი ჯანმრთელობის საკითხების, მით მეტად ეშლებათ ექიმებს ხელი, რომ გაუწიონ მას სათანადო სამედიცინო მომსახურება.

დღის წესრიგში რჩება ორი შეკითხვა, რომელიც არაერთხელ დაისვა და დღემდე პასუხგაუცემელია: კერძოდ, რა არის ის დიაგნოზები და დაავადებები, რომელსაც სამოქალაქო კლინიკაში ვერ მკურნალობენ ქართველი და უცხოელი ექიმები, ვინც ჩართულნი არიან სააკაშვილის მკურნალობის პროცესში და თანამშრომლობს თუ არა ის ექიმებთან თავის ჯანმრთელობის ინტერესებიდან გამომდინარე და ასრულებს თუ არა იმ რეკომენდაციებს და დანიშნულებას, რაც აქვს ექიმების მხრიდან. ამ ორ შეკითხვაზე ჩვენ დღემდე მისი დაცვის მხარის მხრიდან პასუხები არ გვაქვს და არც თანხმობა და ნებართვა არ არის, რომ ამ კითხვებზე პასუხები გასაჯაროვდეს", - განაცხადა თალაკვაძემ.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს