პარლამენტის თავმჯდომარის შალვა პაპუაშვილის ვარაუდით, ახალი სახალხო დამცველის არჩევის საკითხი კენჭისყრაზე, შესაძლოა, 13-16 დეკემბრის სასესიო კვირას დადგეს.
როგორც პაპუაშვილმა პარლამენტის ბიუროს სხდომაზე აღნიშნა, სახალხო დამცველის არჩევის თაობაზე ფრაქციებს შორის კონსულტაციები მიმდინარეობს და შეჯერდა პოზიციები კანდიდატების საერთო სიის შემცირებაზე.
“ეს არის პროცესი და მიხარია, რომ ამან საპარლამენტო კონსულტაციების სახე მიიღო. თუ ყველაფერი კარგად წარიმართა, 13 დეკემბრის კვირაში შეგვეძლება ომბუდსმენის არჩევის საკითხს ვუყაროთ კენჭი“, - განაცხადა შალვა პაპუაშვილმა ბიუროს სხდომაზე.
მოქმედ ომბუდსმენს ნინო ლომჯარიას უფლებამოსილების 5-წლიანი ვადა 7 დეკემბერს ეწურება.